Farmer Issues: सांगली जिल्ह्यातील यंदाचा गाळप हंगाम आटोपला आहे. यंदाच्या हंगामात १६ साखर कारखान्यांनी गाळप केले आहे. या कारखान्यांपैकी सहा साखर कारखान्यांनी शेतकऱ्यांच्या खात्यावर उस बिले जमा केली आहेत. तर दहा साखर कारखानदारांकडून शेतकऱ्यांचे तब्बल २८० कोटी ७३ लाख रुपयांचे एफआरपी थकीत आहे. त्यामुळे शेतकरी बिलाची प्रतिक्षा करू लागला आहे..जिल्ह्यात सन २०२५-२६ च्या गळीत हंगामात १६ साखर कारखान्यांनी एकूण ७९ लाख ९९ हजार १२१ टन ऊस गाळप केला. यापासून ८४ लाख ५७ हजार ४५५ क्विंटल साखरेचे उत्पादन झाले. मात्र, या उत्पादनाच्या बदल्यात शेतकऱ्यांना मिळणारी एफआरपीची रक्कम वेळेत देण्यात कारखान्यांनी टाळाटाळ केल्याचे दिसून आले. सुरुवातीला एकूण ३६५ कोटी २१ लाख रुपये थकीत होते. प्रशासनाच्या नोटिसांनंतर काही कारखान्यांनी रक्कम अदा केली असली तरी अजूनही मोठी थकबाकी शिल्लक आहे..Sugarcane FRP: ‘एफआरपी’साठी साखर सहसंचालक कार्यालयात ठिय्या.जिल्ह्यातील दहा साखर कारखान्यांनी अद्यापही शेतकऱ्यांना एफआरपी दिली नसल्याचे चित्र आहे. प्रादेशिक सहसंचालक (साखर) कार्यालयात थकीत कारखान्यांची सुनावणी घेण्यात आली. यावेळी काही कारखानदारांनी आर्थिक अडचणींचा हवाला देत ३० मार्चपर्यंत मुदत मागितली. त्यानुसार प्रशासनाने अंतिम संधी दिली आहे. मात्र, या मुदतीनंतरही शेतकऱ्यांना १०० टक्के एफआरपी न दिल्यास संबंधित कारखान्यांवर महसुली जप्तीची (आरआरसी) कारवाई प्रस्तावित करण्यात येणार आहे. तसा प्रस्ताव साखर आयुक्तांना पाठविण्यात येणार आहे, असा इशारा प्रादेशिक सहसंचालक (साखर) विभागाने दिला आहे..Sugarcane FRP: ऊस उत्पादक शेतकऱ्यांची ४,६०१ कोटी एफआरपी थकीत, ४५ कारखाने रडारवर.जिल्ह्यातील ऊस बिले थकली असल्याने शेतकरी काहीअंशी आर्थिक संकटात सापडला आहे. बिले कधी मिळणार याची प्रतिक्षा करू लागला आहे. वेळेत बिले मिळाली नाही तर, पिकाला घेतलेली कर्ज कशी फेडायची असा प्रश्न शेतकऱ्यांसमोर पडला आहे. त्यामुळे बिले लवकर द्यावी, अशी मागणी शेतकरी साखर कारखान्यांकडे करू लागला आहे..कोल्हापूर जिल्ह्यात ४५९ कोटींची बिले थकीतकोल्हापूर जिल्ह्यात २३ साखर कारखान्यांनी गाळप केले आहे. तेवीस साखर कारखान्यांपैकी नऊ साखर कारखान्यांनी शेतकऱ्यांना ऊस बिले अदा केली आहेत. तर १४ साखर कारखान्यांनी शेतकऱ्यांना उस बिले दिली नसल्याचे चित्र आहे. या चौदा साखर कारखान्यांकडे ४५९ कोटी १५ लाखाची बिले थकली आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
