Sugarcane Farmers: सांगली जिल्ह्यातील साखर कारखानदारांकडे सुमारे १८० कोटी रुपयांची ‘एफआरपी’ थकीत आहे. कारखाने बंद होऊन दोन महिने उलटूनही शेतकऱ्यांना पैसे मिळालेले नाहीत. साखर आयुक्तांकडे वारंवार पाठपुरावा करूनही ठोस कारवाई होत नसल्याचा आरोप करत आठ दिवसांत थकबाकी मिळाली नाही, तर महसूल वसुलीसाठी साखर आयुक्तालयासमोर आंदोलन करू, असा इशारा स्वाभिमानी शेतकरी संघटनेचे नेते राजू शेट्टी यांनी दिला..प्रमुख पदाधिकाऱ्यांची सांगलीत बैठक झाली. त्यानंतर शेट्टी यांनी राज्य सरकार, प्रशासन, साखर आयुक्त आणि साखर कारखानदारांवर टीका केली. अवकाळी पाऊस आणि गारपीट या मुद्द्यांवरही त्यांनी आक्रमक भूमिका मांडली. शेट्टी म्हणाले, ‘‘राज्यात ‘एफआरपी’ची एकूण थकबाकी सात हजार कोटी रुपयांपर्यंत गेली आहे. सरकार कारखानदारांच्या पाठीशी उभे आहे. मुंबई उच्च न्यायालयाने ‘एफआरपी’बाबत स्पष्ट निर्णय दिला असतानाही साखर कारखानदार त्याचे पालन करत नाहीत. राज्य सरकारने त्या निर्णयाला सर्वोच्च न्यायालयात आव्हान दिले आहे. जुलैमध्ये सर्वोच्च न्यायालयात गेलेल्या या प्रकरणाला आठ महिने झाले..Sugarcane Payments Pending: उसाचे पेमेंट न मिळाल्याने शेतकऱ्यांचे बेमुदत उपोषण.आतापर्यंत नऊ सुनावण्या झाल्या; मात्र न्यायालयाच्या निर्णयाला स्थगिती मिळालेली नाही. स्थगिती नसतानाही कारखानदार ‘एफआरपी’ देत नाहीत. हा न्यायालयाच्या निर्णयाचा अवमान आहे..Sugarcane Payments Pending: साखर कारखान्यांकडे अडकले शेतकऱ्यांचे ८७६ कोटी रुपये .जिल्ह्यातील कारखानदारांनी आठ दिवसांत ‘एफआरपी’ दिली नाही, तर साखर आयुक्तांना महसुली थकबाकीप्रमाणे वसुलीची नोटीस काढण्यास भाग पाडू. तसेच न्यायालयाच्या आदेशाचा अवमान केल्याबाबत याचिका दाखल करू.’’ ते म्हणाले, ‘‘अवकाळी पाऊस आणि ढगाळ वातावरणामुळे शेती पिकांचे मोठे नुकसान झाले आहे..गेल्या आठवड्यातील गारपिटीने फळबागांसह इतर पिकांना फटका बसला. सरकारने मदतीची घोषणा केली; मात्र, प्रत्यक्षात कोणतीही हालचाल दिसत नाही. सांगली जिल्ह्याला कोणी वाली आहे का नाही?’’.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
