Farmers Struggle : सोलापूर पावसाची अनिश्चितता आणि पिकांना पाण्याची वाढलेली गरज असतानाच सोलापूर जिल्ह्यातील शेतीपंपांचा वीजप्रश्न पुन्हा ऐरणीवर आला आहे. नियोजित भारनियमनाबरोबरच काही भागांत सतत अघोषित वीजखंडिती होत असल्याने शेतकऱ्यांना पिकांना पाणी देण्यासाठी मोठी कसरत करावी लागत आहे. अनेक भागांत वीजेच्या या लपंडावामुळे पिके हातची जाण्याची भीती निर्माण झाली आहे..जिल्ह्याच्या ग्रामीण भागात महावितरणचे १,५०२ फीडर असून, त्यावरून सुमारे ११ लाख ३९ हजार ग्राहकांना वीजपुरवठा केला जातो. यापैकी ६७१ फीडरवर शेती आणि घरगुती ग्राहकांची जोडणी आहे. त्यातील ४७४ फीडरवर सिंगल फेज व थ्री फेजचा संयुक्त वापर होत असल्याने भार वाढला आहे. या फीडरवर आठवड्यातून आलटून-पालटून प्रत्येकी चार ते सहा तास भारनियमन केले जात आहे. त्याशिवायही अधूनमधून वीजखंडित होत असल्याने शेतकऱ्यांची चिंता वाढली आहे. आधीच पावसाने ओढ दिल्याने पिकांची स्थिती बिकट असताना वीजप्रश्नामुळे त्यात आणखी भर पडली आहे..Agriculture Electricity Issue: राज्यात विजेचाही ‘दुष्काळ’ .शेतीसाठी दिवसा आठ तास वीजपुरवठा करण्याचे नियोजन असले, तरी प्रत्यक्षात कमी दाब, वारंवार ट्रिपिंग आणि अचानक वीजखंडितीच्या तक्रारी आहेत. विशेषतः नदीकाठच्या आणि उजनी लाभक्षेत्रातील शेतकऱ्यांसाठी वीजपुरवठ्याची अनिश्चितता पिकांसाठी चिंतेची ठरत आहे. अनेक भागांत सिंगल फेजवर कृषीपंप जोडल्याने घरगुती फीडरवरील भार वाढतो आणि फीडर बंद पडण्याची शक्यता वाढते, असे महावितरणकडून सांगण्यात येते. मात्र, भारनियमनाचे स्पष्ट वेळापत्रक, पूर्वसूचना आणि शेतीसाठी सलग आठ तास वीजपुरवठा मिळावा, अशी शेतकऱ्यांची मागणी आहे..Agri Electricity Supply Issue : पुणे जिल्ह्यात काही भागांत वीजभारनियमनाने शेतकरी हैराण.४७४ फीडरवर संयुक्त जोडण्यासोलापूर जिल्ह्यातील ६७१ फीडरवर शेती आणि घरगुती ग्राहकांची जोडणी आहे. त्यापैकी ४७४ फीडरवर सिंगल फेज आणि थ्री फेजचा संयुक्त वापर होत असल्याने वीजभार वाढत आहे. परिणामी या फीडरवर आठवड्यातून आलटून-पालटून चार ते सहा तास भारनियमन केले जात आहे. त्यातच अचानक वीजखंडिती होत असल्याने शेतकऱ्यांच्या सिंचनाचे नियोजन विस्कळीत होत आहे..आधीच पाऊस नसल्याने अडचण झाली आहे. त्यात आता वीजभारनियमनामुळे पिके जगविण्याची कसरत करावी लागत आहे. सोयाबीन तर आता गेल्यात जमा आहे. मात्र, कांदा जगविण्यासाठी पाण्याची गरज आहे; वीज नसल्याने पाणी देता येत नाही.- अप्पासाहेब कोरके, शेतकरी, गुळवंची, ता. उत्तर सोलापूर.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
