New Delhi News: पंतप्रधान किसान सन्मान निधी योजनेच्या सुरुवातीपासून केंद्र सरकारकडून २१ हप्त्यांमध्ये सुमारे ४ लाख कोटी रुपये वितरित करण्यात आले आहे. लोकसभेत प्रश्नोत्तर तासादरम्यान पुरवणी प्रश्नांना उत्तर देताना केंद्रीय कृषी आणि शेतकरी कल्याणमंत्री शिवराजसिंह चौहान यांनी ही माहिती दिली आहे. .श्री. चौहान यांनी म्हणाले, की राज्ये आणि केंद्रशासित प्रदेशांकडून पंतप्रधान किसान पोर्टलवर मिळालेल्या पडताळणी आकडेवारीच्या आधारे, थेट लाभ हस्तांतर माध्यमातून लाभार्थी शेतकऱ्यांना ही मदत हस्तांतरित करण्यात आली..PM Kisan Yojana: २१ हप्त्यांतून ४ लाख कोटी वितरित; शिवराज सिंह चौहान यांची माहिती.या योजनेअंतर्गत कोणत्याही आर्थिक मर्यादेचे लक्ष्य नसल्याचे त्यांनी स्पष्ट केले. पंतप्रधान नरेंद्र मोदी यांनी १९ नोव्हेंबर रोजी कोइमतूर येथून पंतप्रधान किसान निधीचा २१ व्या हप्ता वितरित केला होता. आता २२ वा हप्ता २०२६ च्या सुरुवातीला वितरित केला जाण्याची शक्यता आहे..Agriculture Minister: शेतीमाल थेट ग्राहकांपर्यंत पोहचण्यासाठी विक्री योजना: कृषिमंत्री शिवराजसिंह चौहान .या योजनेच्या माध्यमातून शेतकऱ्यांना वर्षाला २ हजार रुपयांच्या तीन समान हप्त्यांत ६ हजार रुपये मदत दिली जाते. ज्या शेतकऱ्यांनी ई-केवायसी केलेली नाही अथवा ज्यांची जमीन पडताळणी अपूर्ण आहे; त्यांना या योजनेचा लाभ मिळणार नसल्याचे सांगण्यात आले आहे. त्यासाठी पुढील हप्त्यापूर्वी शेतकऱ्यांना ही प्रक्रिया करावी लागणार आहे..पुढील हप्ता कधी मिळणार?काही वृत्तांनुसार, केंद्राकडून फेब्रुवारी २०२६ च्या अखेरीस २२ वा हप्ता जारी केला जाऊ शकतो. अद्याप, या बाबत अधिकृत तारीख जाहीर करण्यात आलेली नाही. सामान्यपणे सरकारकडून हप्ता जारी होण्याच्या काही दिवस आधी या बाबत माहिती दिली जाते. यामुळे शेतकऱ्यांनी आणखी काही दिवस प्रतीक्षा करावी लागणार आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
