Climate Impact: तेंदूपत्ता आणि मोहफुल संकलन हंगाम सुरू होताच जंगलांना लागणाऱ्या आगींचे प्रमाण वाढल्याने शेतकरी व वनकामगारांमध्ये चिंता वाढली आहे. तेंदूपत्ता संकलन सुलभ व्हावे, यासाठी काही ठिकाणी जाणीवपूर्वक आग लावली जात असल्याचे प्रकार समोर येत असून, त्याचा मोठा फटका वनसंपत्तीबरोबरच शेतकऱ्यांनाही बसत आहे..नवेगाव- नागझिरा परिसरातील वनक्षेत्रात मार्च २०२६ दरम्यान आगीच्या घटनांमध्ये वाढ झाली आहे. वन विभागाच्या प्राथमिक अंदाजानुसार, केवळ एका महिन्यात २५ ते ३० लहान-मोठ्या आगीच्या घटना नोंदविण्यात आल्या आहेत. यात शेकडो हेक्टर जंगलातील गवत, झाडांची पाने आणि लहान वनस्पती जळून खाक झाल्या आहेत. नवेगाव येथील शेतकऱ्यांनी दिलेल्या माहितीनुसार, ‘‘ जंगलात वारंवार लागणाऱ्या आगींमुळे आमच्या शेतालगतच्या क्षेत्रात उष्णता वाढते. त्यामुळे पिकांवर परिणाम होतो. शिवाय जनावरांसाठी चारा टंचाई निर्माण होते.’’.Forest Fire Prevention: वणवेप्रतिबंधक कृती आराखडा राबविणार .नागझिरा परिसरातील वन कामगारांनी सांगितले, की तेंदूपत्ता गोळा करताना काही जण जाणीवपूर्वक आग लावतात. मात्र ही आग इतरत्र पसरून मोठे नुकसान होते. उन्हाळ्यात सुकलेल्या पानांमुळे आणि गवतामुळे आग वेगाने पसरते. अनेक ठिकाणी वन विभागाकडून ‘फायर लाइन’ तयार केल्या जात असल्या तरी मनुष्यबळाच्या कमतरतेमुळे आग नियंत्रणात अडचणी येतात..वन विभागाच्या अधिकाऱ्यांनी दिलेल्या माहितीनुसार, एका ठिकाणी लागलेल्या आगीवर नियंत्रण मिळविण्यासाठी किमान १५ ते २० कर्मचाऱ्यांची आवश्यकता असते; मात्र प्रत्यक्षात उपलब्ध मनुष्यबळ कमी आहे..Forest Fire: वणव्यात हजारो झाडे खाक.नवेगाव नागझिरा व्याघ्र प्रकल्पाचे वन अधिकारी मोहम्मद रिजवी यांनी दिलेल्या माहितीनुसार, नजीकच्या काळात वन क्षेत्रात आग लागण्याच्या घटनांमध्ये वाढ झाली आहे. या आगींमुळे केवळ वनसंपत्तीच नव्हे, तर शेतकऱ्यांच्या उपजीविकेवरही परिणाम होतो. जंगलावर अवलंबून असलेले मध, फळे, औषधी वनस्पती यांचे उत्पादन प्रभावित होते..तसेच, वन्यप्राण्यांचे अधिवास धोक्यात येऊन ते शेतांकडे वळत असल्याने पिकांचेही नुकसान वाढत असल्याचे चित्र आहे.तेंदूपत्ता हंगामाच्या काळात विशेष पथके तैनातीची गरजदेखील या पार्श्वभूमीवर व्यक्त करण्यात आली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
