Sindhudurg News: तीन-चार दिवसांपासून जिल्ह्यात धुक्याचे प्रमाण वाढल्यामुळे आंबा, काजू बागायतदार धास्तावले आहेत. दरम्यान जिल्ह्यात गारठादेखील कायम आहे. त्यामुळे बुरशीचे प्रमाण वाढण्याची भीती बागायतदारांना आहे..गेले महिनाभर जिल्ह्यात आंबा, काजुला पोषक वातावरण होते. आंबा, काजू पिकांसाठी अपेक्षित थंडी सुरू असल्यामुळे दोनही पिकांमध्ये मोहोर फुटण्याची प्रक्रिया अतिशय चांगली झाली आहे. सध्या आंबा, काजू पिकांना मोठ्या प्रमाणात मोहर आला असून आता काही भागांत फळधारणा देखील सुरू झाली आहे. .Cold Wave Impact: कडाक्याच्या थंडीचा पिकांवर प्रतिकूल परिणाम.मात्र थंडीचे प्रमाण अधिक असल्यामुळे फळधारणेमध्ये काही प्रमाणात अडथळे येत असल्याचे देखील चित्र आहे. एकीकडे प्रचंड गारठा असताना आता दुसरीकडे गेले चार-पाच दिवस जिल्ह्यात धुक्याचे प्रमाण वाढत आहे. सकाळी नऊपर्यंत सर्वत्र धुके राहत असल्यामुळे मोहरलेल्या झाडांवर पावसासारखे दव साचत आहे..Maharashtra Cold Wave: थंडी पुन्हा वाढण्याची शक्यता.त्यातच गारठा असल्याने झाडावरील पाणी कमी होण्यास दहा ते अकरा वाजत आहेत. त्याचा विपरित परिणाम होण्याची भीती शेतकऱ्यांना आहे. पिकांवर बुरशीचे प्रमाण वाढण्याच्या शक्यतेने शेतकरी धास्तावले आहेत..आंबा आणि काजू दोन्ही पिकांना चांगला मोहर आल्याने शेतकऱ्यांमध्ये उत्साहाचे वातावरण होते. परंतु आता मोहर संरक्षण करण्यासाठी शेतकऱ्यांना पुन्हाबुरशीनाशकाची फवारणी घ्यावी लागणार आहे. आतापर्यंत काही शेतकऱ्यांच्या दोन तर काही शेतकऱ्यांच्या तीन ते चार फवारण्या पूर्ण झाल्या आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
