Animal Husbandry Department Fodder Action Plan: बदलते हवामान आणि पावसातील अनिश्चिततेमुळे संभाव्य चारा टंचाई रोखण्यासाठी जिल्हा प्रशासनाने जून २०२७ पर्यंतचा कालबद्ध कृती आराखडा तयार केला आहे. जिल्ह्यातील १८ लाखांहून अधिक पशुधनासाठी चारा उपलब्धता वाढविण्याच्या दृष्टीने चारा उत्पादन, बियाणे वाटप, साठवणूक, चारा बँकांची उभारणी आणि मुरघास निर्मितीवर भर देण्यात येणार आहे, अशी माहिती जिल्हाधिकारी आयुष प्रसाद यांनी दिली..राज्यात दुष्काळ जाहीर झालेल्या २६५ तालुक्यांमध्ये नाशिक जिल्ह्यातील दहा तालुक्यांचा समावेश आहे. संभाव्य चारा टंचाई टाळण्यासाठी पालकमंत्री गिरीश महाजन यांनी चारा नियोजनाचे निर्देश दिले आहेत. जिल्ह्यात एकूण १८ लाख १ हजार ८९७ पशुधन असून, त्यासाठी दरमहा दोन लाख सात हजार ३९३ टन चाऱ्याची आवश्यकता आहे..Fodder Scarcity : जिल्ह्यात चाराटंचाई भासू देऊ नका.उपलब्ध चारा ५३ हजार ९७७ टन असून, तो सुमारे १२७ दिवस पुरू शकतो. त्यामुळे चारा उत्पादन आणि साठवणुकीचे नियोजन महत्त्वाचे ठरणार आहे. यासाठी १७ हजार १६० लाभार्थ्यांना चारा बियाणे वाटप करण्यात येणार असून, अतिरिक्त बियाण्यांच्या मागणीसाठी तीन कोटी रुपयांची तरतूद करण्यात आली आहे..जानेवारी ते फेब्रुवारी २०२७ दरम्यान चारा कापणी, मुरघास निर्मिती आणि साठवणुकीचे नियोजन करण्यात येईल. मार्च ते जूनदरम्यान उन्हाळी चारा पिके, सुक्या चाऱ्याची साठवणूक आणि गरजेनुसार वितरणावर भर राहणार आहे.कृषी उत्पन्न बाजार समित्या, सहकारी संस्था आणि बचत गटांच्या माध्यमातून चारा बँका उभारण्यात येणार आहेत. तसेच ॲझोला, हायड्रोपोनिक पद्धतीने चारा उत्पादन, निकृष्ट वैरणीवर प्रक्रिया आणि पौष्टिक चाऱ्याच्या वापराबाबत पशुपालकांना मार्गदर्शन करण्यात येणार आहे..Fodder Shortage Issue: वाशीम जिल्ह्याबाहेर चारा विक्री, वाहतुकीस मनाई; दुष्काळाच्या पार्श्वभूमीवर जिल्हाधिकाऱ्यांचे आदेश.उपलब्ध जमीन, पाणी आणि स्थानिक गरजांचा विचार करून चारा उत्पादन वाढविणे, तसेच पशुधनासाठी चारा व पिण्याच्या पाण्याची उपलब्धता सुनिश्चित करणे, हे आराखड्याचे प्रमुख उद्दिष्ट आहे..गावनिहाय नियोजनावर भरऑक्टोबर २०२६ मध्ये ग्रामस्तरावर चारा उत्पादनाचे आराखडे तयार करणे, बियाण्यांची मागणी निश्चित करणे आणि पशुधन व चारा उपलब्धतेचे सर्वेक्षण करण्यात येणार आहे. नोव्हेंबरमध्ये रब्बी हंगामातील चारा पेरणीचे नियोजन, तर डिसेंबरमध्ये जमिनीची तयारी, चारा लागवड आणि पडीक जमिनीचा वापर करण्यावर भर राहील. शेतकरी उत्पादक कंपन्या आणि संयुक्त वन व्यवस्थापन समित्यांच्या सहकार्याने ही कामे केली जाणार आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
