Summer Season Impact: उन्हाळी हंगामात जिल्ह्यात केवळ ७, ३९९ हेक्टरवर ज्वारीची पेरणी झाली आहे. त्यामुळे कडब्याचे उत्पादन घटण्याची शक्यता निर्माण झाली असून जनावरांच्या वैरणीचा प्रश्न ऐरणीवर आला आहे..पूर्वी ज्वारीच्या मोठ्या प्रमाणातील लागवडीमुळे कापणीनंतर मिळणारा कडबा हा जनावरांच्या आहाराचा मुख्य आधार होता. शेतकरी वर्षभरासाठी कडबा साठवून ठेवत असत. तसेच, पारंपरिक पद्धतीने बैलांच्या साहाय्याने मळणी केल्याने तूर, गहू आदी पिकांचे कुटारही मोठ्या प्रमाणात उपलब्ध होत असे. मात्र, सध्या हार्वेस्टर व थ्रेशर यांसारख्या यंत्रांमुळे कापणी व मळणीची कामे जलद होत असली तरी कुटार निर्मिती जवळपास थांबली आहे. परिणामी, वैरणीचे महत्त्वाचे स्रोत कमी झाले आहेत..Green Fodder Shortage: माळशिरसमध्ये ओल्या चाऱ्याचा तुटवडा.जिल्ह्यातील शेतकऱ्यांचा कल सोयाबीन, कापूस, हरभरा यांसारख्या नगदी पिकांकडे वाढल्याने ज्वारीचा पेरा सातत्याने घटत आहे..बाजारात कडब्याची टंचाई निर्माण झाली असून दरात लक्षणीय वाढ झाली आहे. तूर, गहू व चन्याच्या कुटारालाही मोठी मागणी निर्माण झाली असून पशुपालकांकडून साठवणुकीवर भर दिला जात आहे..Fodder Shortage : चारा-पाण्याचा प्रश्न खानदेशात नाहीच.जनावरे सांभाळणे कठीणचाऱ्याअभावी अनेक शेतकऱ्यांना जनावरे सांभाळणे कठीण होत आहे. काहींनी जनावरांची संख्या कमी केली असून काहींनी पशुपालन हा जोडधंदा बंद करण्याचा निर्णय घेतला आहे. त्यामुळे ग्रामीण अर्थव्यवस्थेवर परिणाम होण्याची भीती व्यक्त केली जात आहे. दरम्यान, वैरण मिळवण्यासाठी शेतकऱ्यांना गावोगावी भटकंती करावी लागत असून वेळ आणि खर्च दोन्ही वाढले आहेत. या पार्श्वभूमीवर ज्वारीसारख्या चारा पिकांना प्रोत्साहन देणे, सायलेज निर्मिती व चारा साठवण तंत्रज्ञानाचे प्रशिक्षण देणे आवश्यक असल्याची मागणी होत आहे..ज्वारीची लागवड घटल्याने कडबा कमी झाला आहे. हार्वेस्टरमुळे कुटार तयार होत नाही. त्यामुळे चाऱ्याचा प्रश्न निर्माण झाला.- दिगंबर तुपेकर, शेतकरी, खांबाळा.जिल्ह्यात चाऱ्याची कमतरता भासू नये, यासाठी प्रशासनाकडून नियोजन करत आहोत.-किरण आंबेकर, निवासी उपजिल्हाधिकारी.सध्यातरी कोणत्याही तालुक्यातून चाऱ्याच्या तुटवड्याबाबत माहिती आलेली नाही; मात्र आगामी टंचाईच्या पार्श्वभूमीवर प्रशासन दक्ष आहे.- सुनील गिरी, पशुसंवर्धन अधिकारी, जिल्हा परिषद.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
