Jalgaon News: खानदेशात पाऊसमान चांगले झाले आहे. परंतु माळरानावरील चारा संपला आहे. शेतकऱ्यांनी साठविलेला चाराही घटला आहे. परंतु रब्बी पिकांतून दादर ज्वारीचा कडबा यंदा मुबलक प्रमाणात मिळणार आहे. पुढील महिन्याच्या अखेरीस रब्बी पिकांचा चारा मिळेल, अशी स्थिती आहे. .दादर ज्वारीचा चारा अपवाद वगळता सर्वत्र यंदा उपलब्ध होणार आहे. त्याचे दर यंदा कमी राहतील. कारण मका, संकरित ज्वारी यांची पेरणीही अपेक्षेपेक्षा अधिक आहे. हरभऱ्याची काडही मिळणार आहे..Jowar Fodder : चाऱ्यासाठी ज्वारीची सुधारित लागवड.दादर ज्वारीची पेरणी कमी आहे. त्या भागात दर स्थिर राहणार आहेत. परंतु इतर भागात दर कमी राहतील, असे दिसत आहे. मागील वेळेस कडब्याचे दर प्रतिशेकडा ३५०० ते ४५०० रुपये, असे होते. २०१८ मध्ये दर पाच हजार रुपये प्रतिशेकडा, असे होते. २०१९ मध्येही दर स्थिर होते. पण चांगल्या पावसाने सर्वच रब्बी पिकांची अपेक्षेएवढी झाली. परिणामी दादरचा चारा मुबलक प्रमाणात उपलब्ध होणार आहे..खानदेशात यंदा दादरची पेरणी सुमारे ३२ हजार हेक्टरवर झाली आहे. दुधाळ पशुधनासह बैलजोड्यांसाठी दादरच्या कडब्याची खरेदी शेतकरी करतात. दादरची पेरणी यंदा सर्वत्र झाली आहे. तसेच संकरित दादर ज्वारी, संकरित ज्वारीची पेरणीही झाली आहे. कोरडवाहू व सिंचनाची सुविधा उपलब्ध असलेल्या दादरचे चांगले उत्पादन येणार असून, कडबाही मुबलक असणार आहे. त्याची खरेदी-विक्री सुरू झालेली नाही. परंतु काही भागात दूधाळ पशुधनपालकांनी दादर कडब्याची आगाऊ मागणी नोंदविली आहे. चोपडा तालुक्यात दादरच्या कडब्याची उपलब्धता अधिक असणार आहे..Jowar Fodder : मळणीमुळे दादर ज्वारीचा कडबा मुबलक.कडबा खरेदी केल्यानंतर संबंधित शेतातच त्याची कुट्टी करून कुट्टीची वाहतूक खरेदीदार करून घेतात. दादरचा कडबा जामनेर, बोदवड, मुक्ताईनगर, रावेर या भागांत कमी उपलब्ध असणार आहे. परंतु इतर भागात हा कडबा बऱ्यापैकी असणार आहे. धुळ्यात धुळे, शिंदखेडा व शिरपुरात दादर कडबा मुबलक प्रमाणात राहणार आहे..यंदा दादरचा कडबा मुबलकदादरचा कडबा मुबलक राहणार आहे. परंतु मक्याचा कडबाही अधिक किंवा सर्वत्र असणार आहे. मागील वेळेस चोपडा, शिरपूर भागात काही शेतकऱ्यांच्या आगाप लागवडीच्या मका पिकाच्या चाऱ्याचे दर आठ हजार रुपये एकर, असे जाहीर झाले होते. एक एकरात किमान ४०० पेंढ्या मक्याचा कडबा उपलब्ध होत असतो. यंदा मका कडब्याच्या दरात काहीशी वाढ होईल, असे दिसत आहे. कारण मका लागवडही अधिक आहे. मक्याच्या कडब्याची साठवणूक अनेक शेतकरी आपल्या पशुधनासाठी करून घेतात. या कडब्यात दादर, बाजरी पिकाच्या कडब्याची कुट्टी घालून मिश्रण तयार करतात..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
