Jalgaon News: चारा पिकांची पेरणी किंवा लागवड वाढत आहे. चांगले पाऊसमान राहिल्याने खानदेशात यंदा चाराटंचाई तयार होणार नाही, असे दिसत आहे. दुधाळ पशुधनासाठी चारा मुबलक राहील, असे सांगितले जात आहे. .खानदेशात सुमारे १६ लाख पशुधन आहे. यात जळगाव जिल्ह्यात साडेआठ लाख पशुधन आहे. खानदेशात दर महिन्याला पावणेतीन लाख टन चाऱ्याची गरज असते. जळगावमधील चाळीसगाव, पाचोरा, रावेर, यावल, चोपडा, पारोळा, धुळ्यातील शिरपूर, धुळे, नंदुरबारात नंदुरबार, शहादा हा भाग दूध उत्पादनात अग्रेसर आहे. यात शेळ्या - मेढ्यांची आणखी मोठी संख्या आहे..Fodder Crop Cultivation : उन्हाळी हंगामात चारा पिकाची साडेतीन हजार हेक्टरवर लागवड .पुरेसा चारा हातीपशुधनाला पुरेसा चारा आहे. चांगला पाऊस यंदा झाला. ज्वारी, मका यांची पेरणी हवी तेवढी झाली होती. चाराही हाती आला. खानदेशात खरिपाखाली एकूण १४ लाख हेक्टर क्षेत्र आहे. यात साडेसात लाख हेक्टरवर कापूस आहे. सुमारे ३० हजार हेक्टरवर सोयाबीन होता. १३ हजार हेक्टरवर तूर आहे. तृणधान्यवर्गीय पिके म्हणजेच चारा पिकांची तीन लाख हेक्टरवर पेरणी झाली होती. ही पेरणी तापी, गिरणा, पांझरा आदी नद्यांच्या क्षेत्रात झाली. सोयाबीनचा भुसा हाती आला. मक्याचा चारा मुबलक आहे..Fodder Cultivation : रब्बीत एक लाख हेक्टरवर चारा पिके.नंदुरबार जिल्ह्यात नंदुरबार, नवापूर व शहाद्यातील पूर्व भागात यंदा चारा मुबलक आहे. धुळ्यात साक्री, शिंदखेडा व धुळे तालुक्यात चारा आहे. जळगाव जिल्ह्यात चाळीसगाव, पाचोरा, भडगाव, जामनेर, पारोळा, अमळनेर, जळगाव, धरणगाव, एरंडोल या भागात चाऱ्याची समस्या नाही. माळरानावरील गवतही अजून काही भागात उशिराच्या पावसाने उभे आहे..तापी, गिरणाकाठी व कृत्रिम जलसाठा मुबलक असलेल्या भागात मका, ज्वारी आदी पिके बरी आहेत. रब्बीची पेरणी जोमात सुरू आहे. पुढे मक्याचा कडबा, कुट्टी उपलब्ध होणार आहे. बाजरीची पेरणी खानदेशात बऱ्यापैकी होणार आहे. यातून खरिपातही चारा मिळाला आहे. कृषी व पशुसंवर्धन विभागानुसार जळगाव, धुळे व नंदुरबारात सध्या चाराटंचाई नाही. पुढे तुरीचा भुसा उपलब्ध होईल. दूध उत्पादक आपल्या शेतात हिरव्या चाऱ्याची लागवड करतात. तसेच कोरडा चारा किंवा कुट्टीही त्यांच्याकडे आहे. तसेच ऑक्टोबरअखेरिस बाजरीचा चाराही मिळेल. परतीच्या पावसाने माळरानातही काही भागात हिरवा चारा आहे. रब्बीतूनही मुबलक चारा मार्चअखेरिस मिळेल. चारा दरही आवाक्यात राहतील, असे दिसत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
