Washim Agricultural News: वाशीम : डॉ. पंजाबराव देशमुख कृषी विद्यापीठाच्या दत्तक ग्राम योजनेअंतर्गत मौजे शेलगाव (घुगे) येथे शेतकरी–शास्त्रज्ञ मंचाची नोव्हेंबर महिन्याची मासिक सभा घेण्यात आली. या उपक्रमाचे आयोजन कृषी संशोधन केंद्र आणि कृषी विज्ञान केंद्र यांच्या संयुक्त विद्यमाने करण्यात आले. शेतकऱ्यांनी बहुपीक पद्धती, चीया शेती आणि अन्नप्रक्रिया उद्योगावर भर द्यावा, असे आवाहन केव्हीकेचे प्रमुख तथा वरिष्ठ शास्त्रज्ञ डॉ. आर. एल. काळे यांनी केले. .अध्यक्षस्थानी सरपंच रत्नमाला घुगे होते. प्रमुख पाहुणे म्हणून उपसरपंच जयसिंग घुगे, पोलिस पाटील भगवान घुगे, तसेच मार्गदर्शक म्हणून कृषी संशोधन केंद्राचे प्रभारी अधिकारी डॉ. बी. डी. गिते, केव्हीकेचे वरिष्ठ शास्त्रज्ञ व प्रमुख डॉ. आर. एल. काळे उपस्थित होते..Multi Cropping : बहुविध पीक पद्धतीतून उत्पन्नाची शाश्वती.कृषी विस्तार शाखेचे तज्ज्ञ डॉ. एस. के. देशमुख यांनी प्रास्ताविक केले. डॉ. काळे यांनी मागील सभेत झालेल्या उपक्रमांचा आढावा घेऊन शेतकऱ्यांशी सविस्तर संवाद साधला. डॉ. गिते यांनी शेतकऱ्यांना तूर पिकातील कीड-रोग व्यवस्थापन, हरभरा आणि गहू या रब्बी पिकांचे शास्त्रीय लागवड तंत्रज्ञान, तसेच विद्यापीठाने शिफारस केलेल्या प्रमाणित बियाण्यांचा वापर याबाबत सविस्तर मार्गदर्शन केले. .Multi Cropping : बहुपीक पध्दतीतून आर्थिक स्थिरता.पशुविज्ञान तज्ज्ञ मयूर देशमुख यांनी शेतकऱ्यांना गाव पातळीवरील दुग्ध व्यवसायातील संधी, पशुखाद्य नियोजन, मुरघास तंत्रज्ञान आणि चाराउत्पादन व्यवस्थापन या विषयांवर वैज्ञानिक मार्गदर्शन केले. .कार्यक्रमादरम्यान चीया पिकाच्या लागवडीसाठी तसेच गहू पिकाच्या प्रात्यक्षिकांसाठी इच्छुक शेतकऱ्यांची यादी तयार करण्यात आली. तसेच शास्त्रज्ञांनी अशोक घुगे यांच्या शेतातील तूर पीक व कंपोस्ट खत खड्ड्याची प्रत्यक्ष पाहणी करून आवश्यक तांत्रिक सूचना दिल्या. .या प्रसंगी सहायक कृषी अधिकारी बी. जी. राठोड, कृषी संशोधन केंद्राचे संदीप गुट्टे व शशिकांत गोटे यांचीही उपस्थिती लाभली. डॉ. एस. के. देशमुख यांनी सूत्रसंचालन केले. मयूर देशमुख यांनी आभार मानले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
