Malshiras News: मागील काही दिवसांच्या पावसाचा मोठा फटका फूल उत्पादकांना बसला आहे. जिल्ह्यातील विविध फूल बाजारांत मागील तीन दिवसांपासून सर्वच फुलांचे बाजारभाव निम्यापेक्षाही अधिक कमी झाले आहेत. यामुळे ऐन नवरात्रोत्सवात उत्पादकांचे चेहरे कोमेजले आहेत..नवरात्रात फुलांना मोठी मागणी असते. मात्र पावसामुळे ओल्या फुलांमुळे मागणीत कमालीची घट झाली आहे. पुणे येथील फूल बाजारात गुरुवारी (ता.२५) अपेक्षा पेक्षाही अधिक घट झाली आहे. बाजारात २५० रुपये प्रतिकिलोवर गेलेली शेवंती वर्गीय फुलांना ८० ते १३० रुपये प्रतिकिलो बाजारभाव मिळाला. झेंडूचेही बाजारभाव गडगडले यामुळे जिल्ह्यातील फूल उत्पादकांच्या चेहऱ्यावर नाराजी दिसत होती..Flower Market: शीतगृहात शेवंतीच्या फुलांचे मूल्यवर्धन.पावसामुळे फुलांची चकाकी कमी होऊन, गुणवत्तेवर मोठा परिणाम झाला आहे. मागील दोन दिवसांच्या पावसाने भिजलेली फुले लांब वाहतुकीसाठी व्यापाऱ्यांना नेणे शक्य नसल्याने अनेक फूल व्यापाऱ्यांनी मागील तीन दिवसांपासून खरेदीकडे पाठ फिरवली. यामुळेच पुणे येथील फूल बाजारामध्ये आज नवरात्र उत्सवाची चौथी माळ असताना देखील उत्पादकांना बाजारभावाची असलेली अपेक्षा फोल ठरली..Expensive Flower : तुम्हाला माहिती आहे का? जगातील सगळ्यात जास्त महागडे फूल?.ओली फुले, अन्.... नवरात्र घटासाठी फुलांना मोठ्या प्रमाणात बाजारात मागणी असते. त्याप्रमाणे विविध फुलांची मोठी मागणीमुळे पुणे येथील फूल बाजारामध्ये फुलांच्या खरेदी करता ग्राहकांची मोठ्या प्रमाणावर गर्दी केली होती. परंतु ओल्या फुलांमुळे त्या तुलनेत सध्या बाजारात फुलांची आवक अपेक्षित होत नसल्याने ग्राहकांनी खरेदीकडे पाठ फिरवली. यामुळे भाव मोठ्या प्रमाणावर कोसळले..बाजारात ओली झालेली फुले विक्रीसाठी आली नसती तर सर्वच फुलांना प्रतिकिलो सरासरी २०० रुपयांपेक्षाअधिक बाजारभाव मिळाला असता. शेवंतीवर्गीय फुले तर अडीचशे तीनशे रुपये गेली असती. पावसामुळे खराब झालेल्या फुलांकडे व्यापाऱ्यांनी पाठ फिरविली आहे. पाऊस उघडल्यानंतर बाजारभाव पुन्हा वाढतील.- पप्पू जराड, फुल विक्रेते, पुणे बाजार.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
