Solapur News : सीना नदीच्या पुरामुळे व अतिवृष्टीने जिल्हा परिषदेच्या मालमत्तांचे मोठे नुकसान झाले आहे. यामध्ये जिल्हा परिषद शाळा, अंगणवाडी, प्राथमिक आरोग्य केंद्र, स्मशानभूमी, पाझर तलाव, सिमेंट बंधारे, रस्त्यांचे मोठे नुकसान झाले आहे. .या सर्व नुकसानीची माहिती संकलित करण्याचे काम सुरू असून, दोन दिवसांत याची आकडेवारी अंतिम होणार असल्याची माहिती मुख्य कार्यकारी अधिकारी कुलदीप जंगम यांनी दिली. जिल्हा परिषदेचे १०५ रस्ते बाधित झाले आहेत. यामध्ये काही रस्ते अर्धा ते १ किमीपर्यंत वाहून गेले आहेत तर काही रस्त्यांवर फक्त खडक शिल्लक राहिला आहे. .Sina River Flood : जनावरांच हाल बघून जीव तीळ तीळ तुटतोय.बांधकाम विभागाकडून दिलेल्या माहितीनुसार, २९१ कोटी रुपयांचे रस्त्यांचे नुकसान झाले आहे. जलसंधारण विभागाकडील पाझर तलाव व सिमेंट बंधाऱ्यांनाही मोठा फटका बसला आहे. यामध्ये ९१ पाझर तलावांच्या सांडव्याजवळील माती वाहून गेली आहे तर सिमेंट बंधाऱ्यांसही फटका बसला आहे..जिल्हा परिषदेच्या ४०० हून अधिक प्राथमिक शाळांमध्ये पाणी शिरल्याने काही खोल्या धोकादायक झाल्या आहेत. काही शाळांतील पाणी अद्याप ओसरले नाही तर काही शाळांमध्ये आता फक्त चिखल साचला आहे..Seena River Flood : पूरग्रस्त गावातील पशुधनाला चारा वाटप.अंगणवाड्यांचीही अशीच स्थिती आहे. नदीकाठावरील गावांतील प्राथमिक आरोग्य केंद्रांना पुराच्या पाण्याचा फटका बसला आहे. पाण्यातून वाहून आलेला चिखल आरोग्य केंद्रात गेल्याने पुढील काही दिवस सेवा देणे शक्य नाही. .स्मशानभूमीतही गाळच गाळनदीकाठावरील ९० हून अधिक गावांतील स्मशानभूमी आठ ते दहा दिवस पाण्यातच होत्या. पाणी ओसरल्याने आता त्या ठिकाणी फक्त चिखल साचला आहे. काही स्मशानभूमी अद्यापही पाण्यातच असल्याचे ग्रामपंचायत विभागाकडून सांगण्यात आले. त्या ठिकाणी स्वच्छता मोहीम राबविण्यात येणार असल्याचे प्रशासनाकडून सांगण्यात आले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
