Nanded News : जिल्ह्यातील मुखेड तालुक्यातील लेंडी धरणाच्या प्रभावक्षेत्रात मोठ्या प्रमाणात अतिवृष्टी झाल्याने रावणगाव, हसनाळ, भिंगोली, भासवाडी या गावामध्ये पाणी शिरले. या गावांमध्ये मोठ्याप्रमाणात जनावरांचे नुकसान होऊन ५ नागरिकांचा मृत्यू झाला आहे. अनेक हेक्टर क्षेत्रावरील शेतीचे नुकसानही झाले आहे. .या नुकसानीचा अंदाज घेऊन नुकसानग्रस्त गावातील नागरिकांना शासनाच्यावतीने सर्वतोपरी मदत करण्यात येईल, अशी ग्वाही राज्याचे आपत्ती व्यवस्थापन मंत्री गिरीश महाजन यांनी दिली. यावेळी मृतांच्या वारसदारांना प्रत्येकी चार लाख रुपयांची मदत धनादेश स्वरूपात मंत्री गिरीश महाजन यांच्या हस्ते वितरित करण्यात आली. जिल्ह्यात नुकसानग्रस्त भागाची पाहणी करण्यासाठी मंत्री गिरीश महाजन हे दौऱ्यावर आले होते. .Khandesh Heavy Rain: खानदेशात २५ हजार हेक्टरवरील पिकांची वाताहत.त्यांनी मुखेड तालुक्यातील हसनाळ या गावातील पूरग्रस्त भागाची पाहणी करून येथील नागरिकांची भेट घेऊन त्यांच्या समस्या जाणून घेतल्या. तसेच मारजवाडी या पुनर्वसित गावालाही त्यांनी भेट देऊन तेथील गावकऱ्यांशी संवाद साधला. आमदार डॉ. तुषार राठोड, जिल्हाधिकारी राहुल कर्डिले, पोलिस अधिक्षक अबिनाश कुमार, अप्पर जिल्हाधिकारी पांडुरंग बोरगावकर, देगलूरचे उपविभागीय अधिकारी अनुप पाटील, परिसरातील शेतकरी, नागरिक आदींची उपस्थिती होती..Hingoli Heavy Rain: हिंगोली जिल्ह्यातील दोन मंडलांमध्ये अतिवृष्टी.यावेळी आमदार डॉ. राठोड यांनी या भागात पूरपरिस्थितीमुळे झालेल्या नुकसानीची माहिती मंत्री गिरीश महाजन यांना दिली. मंत्री गिरीश महाजन यांनी तत्काळ पंचनामे करण्याचे जिल्हा प्रशासनाला निर्देश दिले..मृतांच्या वारसदारांना मदतमृत्यू झालेल्या नागरिकांच्या वारसदारांना यावेळी प्रत्येकी चार लाख रुपयाची मदत धनादेश स्वरूपात मंत्री महाजन यांच्या हस्ते देण्यात आला. मृत्य व्यक्ती पिराजी म्हैसाजी थोटवे (वय ७०) त्यांचे वारस मारोती पिराजी थोटवे (मुलगा) चंद्रकला विठ्ठल शिंदे (वय ३५) त्यांचे वारस विठ्ठल व्यंकटराव शिंदे (पती), ललिताबाई गोविंद भोसले (वय ६०) त्यांचे वारस मुलगा जगदीश गोविंद भोसले व मधुकर गोविंद भोसले. भीमाबाई हिरामण मादाळे (वय ६५) त्यांचे वारस संग्राम हिरामण मादाळे, राहुल हिरामण मादाळे मुले. गंगाबाई गंगाराम मादाळे (वय ६५) त्यांचे वारस मुलगी लालाबाई व्यंकट मादाळे यांना मदतीचा धनादेश सुपूर्द करण्यात आला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
