Solapur News : जिल्ह्यात मागील काही दिवसांपासून झालेल्या सततच्या अतिवृष्टीमुळे तसेच उजनी आणि वीर धरणातून मोठ्या प्रमाणावर नदी पात्रात विसर्ग सोडल्याने भीमा आणि सीना नदीकाठच्या गावांमध्ये पूरपरिस्थिती निर्माण झाली, यामुळे मोठ्या प्रमाणावर शेतीपिकांचे नुकसान झाले आहे..या नुकसानीचे पंचनामे करण्याचे आदेश जिल्हाधिकारी कुमार आशीर्वाद यांनी दिल्यानंतर आता शनिवारपासून (ता.२३) पंचनामे सुरू झाले. जिल्ह्यातील कृषी, महसूल आणि ग्रामविकास विभागांना तातडीने कार्यवाही करून कोणताही शेतकरी पंचनाम्यापासून वंचित राहू नये, यासाठी योग्य नियोजन करण्याच्या सूचनाही त्यांनी दिल्या आहेत..Crop Damage Compensation : तुम्हीच करा जिओ टॅगिंग अन् मागा भरपाई .जिल्हाधिकारी आशीर्वाद यांनी शुक्रवारी जिल्ह्यातील कृषी विभाग, तहसीलदार, प्रांताधिकारी तसेच ग्रामस्तरावरील यंत्रणांची दूरदृश्य प्रणालीद्वारे (व्हिडीओ कॉन्फरन्स) बैठक घेऊन संपूर्ण परिस्थितीचा आढावा घेतला. .Rain Crop Damage: सांगली जिल्ह्यातील सात हजार एकरांवरील पिके पाण्यात.यामध्ये त्यांनी नुकसानीचे क्षेत्र, पिकांचे स्वरूप, संभाव्य नुकसान यावर सविस्तर चर्चा केली. उजनी धरण १०० टक्के भरल्यामुळे तसेच वीर धरणातूनही भीमा नदीत मोठा विसर्ग झाल्याने पंढरपूर, अक्कलकोट, मोहोळ, माढा भागातील शेतकऱ्यांच्या शेतात पाणी शिरले. .पंचनाम्यांत एकही शेतकरी वंचित राहणार नाहीजिल्हाधिकारी आशीर्वाद यांनी स्पष्ट निर्देश दिले आहेत की, एकही शेतकरी पंचनाम्यापासून वंचित राहणार नाही. सर्व विभागांनी समन्वय साधून शक्य तितक्या लवकर पंचनामे पूर्ण करावेत, जेणेकरून शेतकऱ्यांना मदतीसाठी लागणाऱ्या प्रक्रियेला गती देता येईल. तसेच पंचनामे झाल्यानंतर संबंधित अहवाल शासनाकडे सादर करून शेतकऱ्यांना नुकसानभरपाई मिळवून देण्यासाठी पुढील टप्प्याचे नियोजन करण्याचे निर्देशही त्यांनी अधिकाऱ्यांना दिले आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
