Mumbai News: कृषी योजनांचा लाभ शेतकऱ्यांपर्यंत अधिक पारदर्शक आणि गतिमान पद्धतीने पोहोचवण्यासाठी लॉटरीऐवजी प्रथम येणाऱ्यास प्राधान्य या योजनेला मान्यता सरकारने दिली. तसेच या योजनेत चुकीची माहिती अथवा दस्तऐवज दिल्यास संबंधित शेतकऱ्यावर पाच वर्षे बंदी घालण्यात येणार आहे. एप्रिल २०२५ पासून ही योजना सुरू होणार आहे..नवीन प्रक्रियेनुसार, महाडीबीटी पोर्टलवर कृषी योजनांसाठी अर्ज करणाऱ्या शेतकऱ्यांचे अर्ज आता त्यांच्या नोंदणीच्या वेळेनुसार विचारात घेतले जाणार आहेत. यामुळे अर्जदारांना तत्काळ दिलासा मिळण्याची शक्यता आहे. तसेच लॉटरी पद्धतीने निवड न झालेले प्रलंबित अर्जदेखील याच ‘प्रथम येणाऱ्यास प्रथम प्राधान्य’ तत्त्वानुसार विचारात घेतले जाणार आहेत..MahaDBT Scheme: महाडीबीटीच्या बोगस लाभार्थ्यांचे आधार आणि फार्मर आयडी ब्लॉक होणार; राज्य सरकारचा निर्णय .या योजनेत निवड झालेल्या शेतकऱ्यांनी खालील नियमांचे पालन करणे बंधनकारक आहे. यामध्ये, योजनेसाठी निवड झालेल्या शेतकऱ्यांना एसएमएसद्वारे माहिती दिली जाईल. यानंतर लाभार्थ्यांनी सात दिवसांच्या आत पोर्टलवर आवश्यक कागदपत्रे अपलोड करणे अनिवार्य आहे..MahaDBT : ‘महाडीबीटी’ पोर्टलवर कागदपत्रे अपलोडसह अनेक अडचणी.लाभार्थ्याला पूर्वसंमती मिळाल्यानंतर, त्याने विहित मुदतीत जर संबंधित योजनेचा लाभ घेतला नाही, तर त्याचा अर्ज रद्द केला जाणार आहे. याव्यतिरिक्त, त्याचा अर्ज चालू आर्थिक वर्षात पुन्हा कोणत्याही घटकासाठी विचारात घेतला जाणार नाही. शेतकऱ्यांनी या बदलांची नोंद घ्यावी आणि योजनेचा लाभ घेण्यासाठी महाडीबीटी पोर्टलवरील सूचनांचे काळजीपूर्वक पालन करावे, असे आवाहन कृषी विभागाने केले आहे..खोटी माहिती देणाऱ्यांवर कारवाईजे शेतकरी योजनेच्या प्रक्रियेत चुकीची किंवा खोटी कागदपत्रे/माहिती सादर करतील, त्यांना तत्काळ योजनेसाठी अपात्र ठरवले जाईल. एवढेच नाही, तर अशा शेतकऱ्यांवर पुढील पाच वर्षांसाठी कृषी विभागाच्या सर्व योजनांसाठी बंदी (ब्लॉक) घालण्यात येईल. तसेच अनुसूचित जाती/जमाती प्रवर्गातील अर्जदारांनी त्यांचे जात प्रमाणपत्र शासनाच्या पोर्टलद्वारे अपलोड करणे आवश्यक असल्याचे शासन निर्णयात म्हटले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
