Sindhudurg News : परप्रांतीय हायस्पीड ट्रॉलर्स आणि अनधिकृत पर्ससिन मासेमारीविरोधात गुरुवारी (ता. ११) पारंपरिक मच्छीमारांनी मालवण येथील मत्स्य कार्यालयावर धडक दिली. अनधिकृत मासेमारीविरोधातील कारवाईची गती वाढवावी, अशी मागणी करताना आमच्या संतापाचा उद्रेक होऊ देऊ नका, असा इशारा मच्छीमारांनी सहायक आयुक्तांना दिला..जिल्ह्याच्या हद्दीत पर्ससिन नौका, परप्रांतीय हायस्पीड ट्रॉलर्स यांनी धुमाकूळ घातला आहे. मोठ्या प्रमाणात मासेमारी या नौकांकडून केली जात आहे. मत्स्य विभागाने दोन दिवसांपूर्वी दोन ट्रॉलर्सवर कारवाई केली होती. .Fish Price: मासळीच्या दरात सुधारणा.तरीदेखील अनेक ट्रॉलर्स समुद्रात मासेमारी करीत असल्याचा आक्षेप घेत पारंपरिक मच्छीमारांनी गुरुवारी मालवण येथील सहायक मत्स्य आयुक्तांचे कार्यालय गाठले. मच्छीमार नेते छोटू सावजी, दिलीप घारे, बाबी जोग, रश्मीन रोगे, जगदीश खराडे यांच्यासह अनेक पारंपरिक मच्छीमार कार्यालयात पोहोचले. .जिल्ह्यात एक पर्ससिन परवाना नाही तरीदेखील जिल्ह्यात या नौका येतात कुठून, असा प्रश्न मच्छीमारांनी अधिकाऱ्यांना विचारीत त्यांच्यावर चांगलेच तोंडसुख घेतले. नौकांवर कारवाई का केली जात नाही, तुमच्या कुणाचा दबाव आहे का असे प्रश्नदेखील त्यांनी अधिकाऱ्यांना विचारले. आमच्या संतापाचा उद्रेक पाहू नका, असा इशारादेखील त्यांनी अधिकाऱ्यांना दिला..Fishing Season : मच्छीमारांचा श्रीवर्धनमध्येच मुक्काम.दरम्यान, पकडलेल्या दोनही पर्ससिन नौका मालवण समुद्रातच उभ्या करून ठेवाव्यात, अशी मागणी करीत गेल्या महिनाभरात किती नौकांवर कारवाई केली याची माहिती देखील त्यांनी मच्छीमारांनी घेतली. .मत्स्यविभागाच्या कामकाजात सुधारणा झाली नाही तर आंदोलन छेडावे लागेल, असा इशारादेखील त्यांनी दिला. या वेळी परवाना अधिकारी नियुक्त करावा, रिक्त पदे तातडीने भरावीत, अशी मागणी करण्यात आली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
