Pune News: भोर तालुक्यातील विसगाव, चाळीसगाव खोऱ्यांतून पूर्वेकडे जाणाऱ्या धोम-बलकवडी धरणाच्या डाव्या कालव्यातून ४५० क्युसेकने रब्बी हंगामातील पहिले आवर्तन सोडण्यात आले आहे. पाण्याअभावी अडचणीत आलेल्या रब्बी पिकांना या आवर्तनामुळे मोठा दिलासा मिळाला असून परिसरातील शेतकऱ्यांमध्ये आनंदाचे वातावरण आहे..वीसगाव व चाळीसगाव खोऱ्यांतील बहुतांशी शेतकऱ्यांची रब्बी शेती ही धोम-बलकवडी धरणाच्या डाव्या कालव्यावरील पाण्यावर अवलंबून आहे. यंदा सुरुवातीला मोठ्या प्रमाणावर पडलेल्या थंडीमुळे ज्वारी, गहू, हरभरा, पावटा, तूर, करडई आदी रब्बी पिके काही प्रमाणात तग धरून होती. मात्र मागील पंधरा दिवसांपासून थंडी कमी झाल्याने पिकांना पाण्याची तीव्र गरज भासू लागली होती. माळरानावरील पिके पाण्याअभावी वाया जाण्याच्या मार्गावर होती..Irrigation Benefits Update: वर्धा जिल्ह्यात अडीच हजार शेतकऱ्यांना तुषार सिंचनाचा लाभ.खंडाळा व फलटण तालुक्यांतील शेतकऱ्यांच्या मागणीनुसार भोर तालुक्यातील वीसगाव खोऱ्यातून जाणाऱ्या डाव्या कालव्यातून ४५० क्युसेकने रब्बीतील पहिले आवर्तन सोडण्यात आले आहे. या आवर्तनाचे पाणी सुमारे १४७ किलोमीटरपर्यंत पोहोचले असून पुढील २५ ते ३० दिवस हे आवर्तन सुरू राहणार असल्याची माहिती जलसंपदा विभागाचे शाखा अभियंता रवी जाधव यांनी दिली..Agriculture Irrigation Issues: ‘वाकुर्डे’ची बंदिस्त पाइपलाइन असूनही रब्बीला पाणी नाही.उशिरा झालेल्या पर्जन्यवृष्टीमुळे ओढे-नाल्यांतील पाणी तसेच वाढलेली थंडी यामुळे रब्बी पिके आत्तापर्यंत तग धरून होती. मात्र पाण्याची गरज वाढत असतानाच आवर्तन सोडण्यात आल्याने पिकांना मोठा फायदा झाला आहे. त्यामुळे रब्बी पिकांच्या उत्पादनात लक्षणीय वाढ होण्याची शक्यता असल्याचे वीसगाव खोऱ्यातील शेतकरी प्रशांत पोळ, बापू बांदल व चंद्रकांत नांगरे यांनी सांगितले..अस्तरीकरण तातडीने करण्याची मागणीदरम्यान, भोर तालुक्यातील वीसगाव व चाळीसगाव खोऱ्यांतून गेलेल्या धोम-बलकवडी धरणाच्या डाव्या कालव्याचे अनेक ठिकाणी अस्तरीकरण झालेले नाही. त्यामुळे कालव्यातून मोठ्या प्रमाणावर गळती होऊन हजारो लिटर पाणी वाया जात आहे.या गळतीमुळे काही शेतकऱ्यांच्या जमिनी वर्षानुवर्षे नापीक झाल्या असून पिकांअभावी शेती पडून राहिल्याने आर्थिक नुकसान होत आहे. कालव्याचे संपूर्ण अस्तरीकरण तातडीने करण्यात यावे, अशी मागणी शेतकऱ्यांकडून होत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
