Nashik News: सिन्नर कृषी उत्पन्न बाजार समितीच्या वतीने वावी उपबाजार आवारात ३ ते ५ जानेवारी या कालावधीत राज्यस्तरीय पशू प्रदर्शनाचे आयोजन करण्यात आले आहे. या प्रदर्शनात विविध प्रजातींचे बैल, गाई, घोडे, शेळ्या, मेंढ्या तसेच पाळीव पक्ष्यांचा समावेश असणार आहे. बाजार समितीच्या वतीने तालुक्यात प्रथमच असे राज्यस्तरीय पशू प्रदर्शन आयोजित करण्यात येत आहे. शनिवारी (ता. ३) सकाळी १० वाजता प्रारंभ व चर्चासत्र, रविवारी (ता. ४) स्पर्धेतील पशुधनाची निवड व सोमवारी (ता. ५) बक्षीस वितरण होणार आहे. .सिन्नर तालुक्यात पशुधन बाजाराला उर्जितवस्था आणण्यासाठी बाजार समितीचे सभापती श्रीकृष्ण घुमरे व त्यांच्या सहकाऱ्यांनी पशुप्रदर्शनाच्या माध्यमातून पुढाकार घेतला आहे. देशातील विविध भागांतून आलेल्या देशी गाईंच्या जाती- गीर, पुंगनूर, गावरान, खिलारी, थारपारकर, डांगी, काठीयावाड, लालसिंधी यांच्यासह संकरित गाई, शर्यतीचे बैल, घोडे, विविध प्रजातींच्या शेळ्या, मेंढ्या, कोंबड्या व अन्य पक्षी पाहता येणार आहेत. प्रदर्शन काळात विविध पशुधनाची खरेदी-विक्रीही होणार असल्याची माहिती श्री. घुमरे, उपसभापती कोकाटे यांनी दिली..Livestock Exhibition : शिर्डीतील पशुप्रदर्शनात तेरा राज्यांतील जनावरे.गुरुवारी (ता. १ जानेवारी) सायंकाळी ५ पर्यंत ऑनलाइन नोंदणी, शुक्रवारी सायं ५ पर्यंत नोंदणीकृत पशुधनासह प्रदर्शन स्थळी उपस्थित राहावे. मिल्किंग स्पर्धेसाठी गाईंसह शनिवारी सायं ५ पर्यंत उपस्थित राहावे लागणार आहे. .Livestock Exhibition : प्रदर्शनात विविध जातींच्या पशुधनाचे मोठे आकर्षण.रविवारी (ता. ४) स्पर्धेत भाग घेतलेल्या गाईंची मिल्किंग प्रत्येकी ८ तासांच्या अंतराने पहाटे ५, दुपारी १ आणि रात्री ९ वाजता असे २४ तासांत ३ वेळा करण्यात येईल. तर सोमवारी (ता. ५) स्पर्धेचा निकाल व बक्षीस वितरण केले जाईल.परीक्षकांचा निर्णय अंतिम असेल. शेतकऱ्यांसाठी विविध स्पर्धा, लाखोंची बक्षिसे प्रदर्शनात विविध स्पर्धांचेही आयोजन करण्यात आले आहे..दुधाळ गाय (जर्सी, एचएफ), बैल (ओढकामाचे/शर्यतीचे), कालवड (जर्सी, एचएफ), घोडा, देशी गाय या गटांत स्पर्धा होणार आहेत. त्यासाठी ५००० ते ५१००० रुपये दरम्यान अशी लाखोंची बक्षिसे ठेवण्यात आली आहेत. पशुपालक शेतकऱ्यांनी आपले पशुधन प्रदर्शनात आणून स्पर्धेमध्ये सहभाग घ्यावा. प्रदर्शनात कृषीसह कुक्कटपालन, दुग्धव्यवसाय संबंधी चर्चासत्र आणि मार्गदर्शन होणार आहे. विजेत्यांना लाखोंची रोख बक्षिसे दिली जाणार आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
