Eco Tourism: पावसाळ्याच्या प्रारंभी सह्याद्रीच्या डोंगररांगांतील जंगल परिसर आणि ग्रामीण भागात रात्रीच्या अंधारात चमचमणारे लाखो काजवे सध्या पर्यटकांचे प्रमुख आकर्षण ठरत आहेत. ‘काजवा महोत्सवा’चा अनुभव घेण्यासाठी राज्यभरातून मोठ्या प्रमाणात पर्यटक पर्यटनस्थळांकडे गर्दी करत असून, निसर्गरम्य भागांमध्ये पर्यटकांची संख्या वाढली आहे..काजवे हे जैवविविधतेचे महत्त्वाचे घटक मानले जातात. स्वच्छ वातावरण, ओलसर जंगल परिसर आणि नैसर्गिक अधिवास असलेल्या भागांत काजव्यांचे वास्तव्य मोठ्या प्रमाणात आढळते. विशेषतः मे महिन्याच्या अखेरीपासून जूनच्या प्रारंभी काजव्यांची संख्या वाढलेली दिसते. नर काजवे मादीला आकर्षित करण्यासाठी विशिष्ट प्रकारचा प्रकाश निर्माण करतात. निसर्गातील हा अनोखा प्रकाशमहोत्सव अनुभवण्यासाठी पर्यटक मोठ्या संख्येने जंगल परिसरात दाखल होत आहेत..Mango Festival: कृषी विज्ञान केंद्राच्या आंबा महोत्सवाला उत्स्फूर्त प्रतिसाद.मात्र अनेक ठिकाणी मोबाईल फ्लॅश, तेजस्वी टॉर्च, डीजे, मोठा आवाज, वाहनांचे हेडलाईट तसेच प्लास्टिक कचरा यामुळे काजव्यांच्या जीवनचक्रावर परिणाम होत असल्याची चिंता पर्यावरण अभ्यासकांनी व्यक्त केली आहे. कृत्रिम प्रकाश आणि ध्वनी प्रदूषणामुळे काजव्यांच्या प्रजनन प्रक्रियेला फटका बसत असल्याने पर्यटकांनी निसर्ग पर्यटन करताना जबाबदारीने वर्तन करावे, असे आवाहन करण्यात आले आहे. .Agriculture Producets Festival: कोल्हापुरात आजपासून मिलेट-फळ महोत्सव.पर्यटकांसाठी ऑनलाइन नोंदणी प्रणाली सुरू करण्यात आली असून पूर्वपरवानगी बंधनकारक करण्यात आली आहे. दररोज फक्त दोन हजार पर्यटकांनाच प्रवेश दिला जाणार असून नियमांचे उल्लंघन करणाऱ्यांवर कारवाईचा इशारा प्रशासनाने दिला आहे..पर्यटकांनी घ्यावयाची काळजीमोबाइल फ्लॅश, टॉर्च आणि तेज प्रकाशाचा वापर टाळावा.काजव्यांना हात लावणे किंवा पकडण्याचा प्रयत्न करू नये.जंगल परिसरात डीजे, मोठा आवाज किंवा आरडाओरडा करू नये.प्लॅस्टिक, पाण्याच्या बाटल्या व इतर कचरा टाकू नये.झाडे, फांद्या आणि नैसर्गिक अधिवासाचे नुकसान होणार नाही याची काळजी घ्यावी.वनविभाग आणि स्थानिक प्रशासनाच्या सूचनांचे पालन करावे.रात्री वाहनांचे हायबीम दिवे शक्यतो बंद ठेवावेत.निसर्ग पर्यटन करताना पर्यावरण संवर्धनाला प्राधान्य द्यावे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
