Nanded News: नांदेड जिल्ह्यातील खरीप हंगामाची नजर अंदाज पैसेवारीसह सुधारित पैसेवारी प्रशासनाने जाहीर केली होती. यानंतर १५ डिसेंबरला अंतिम पैसेवारी जाहीर झाली. यात सर्वच सोळा तालुक्यांची पैसेवारी ३३.९८ पैसे जाहीर करून जिल्हा प्रशासनाने विभागीय आयुक्तांना कळविले आहे. यानंतर पीक कापणी प्रयोगाच्या आधारावर जाहीर होणाऱ्या उत्पादकतेची शेतकऱ्यांना प्रतीक्षा आहे..जिल्हा प्रशासन दरवर्षी खरीप पिकांच्या परिस्थितीबाबत नजर अंदाज (हंगामी), सुधारित व अंतिम पैसेवारी जाहीर करते. यातून पिकांच्या उत्पादकतेचा अंदाज येतो. जिल्ह्यात असलेल्या एक हजार ५५९ गावात आठ लाख ५३ हजार ८९६.८१ हेक्टर क्षेत्र लागवडीखाली येते. यापेकी यंदा सात लाख ९७ हजार ७३२ हेक्टरवर खरिपात पेरणी झाली आहे. या पेरणीक्षेत्रात पेरलेल्या पिकांच्या परिस्थितीचा अंदाज ३० सप्टेंबर रोजी जाहीर झालेल्या नजर अंदाज (हंगामी) पैसेवारीवरून व्यक्त करण्यात आला होता. यात सहा तालुक्यांची पैसेवारी पन्नास पैशांपेक्षा अधिक तर उर्वरित १० तालुक्यांची पैसेवारी पन्नास पैशांखाली जाहीर झाली होती. .यानंतर सुधारित अंदाज ३१ ऑक्टोबर रोजी जाहीर झाला. यात सर्वच सोळा तालुक्यांची पैसेवारी पन्नास पैशांखाली जाहीर झाल्याचा अहवाल प्रशासनाने विभागीय आयुक्तांकडे पाठविला होता. यानंतर १५ डिसेंबरला अंतिम पैसेवारी जाहीर झाली. यातही जिल्ह्यातील सर्वच तालुक्यांची सरासरी पैसेवारी ३३.९८ पैसे जाहीर केली आहे. .Kharif Paisewari : नजर अंदाज पैसेवारी ५२ पैसे.खरिपातील अंतिम पेसेवारी पन्नास पैशांखाली जाहीर झाल्याचे जिल्हाधिकारी राहुल कर्डिले यांनी विभागीय आयुक्तांना कळविले आहे. यामुळे जिल्ह्यात खरिपातील पिकांचे नुकसान झाल्याचा अंदाज व्यक्त करण्यात आला आहे. यामुळे शासनाकडून नुकसानग्रस्तांसाठी सोयी सुविधा लागू होणार आहेत. याबरोबरच कृषी,महसूल व ग्रामविकास यंत्रणेच्या संयुक्तिक पद्धतीने घेण्यात आलेल्या पीक कापणी प्रयोगाच्या उत्पादकतेकडे शेतकऱ्यांचे लक्ष लागले आहे..Kharif Paisewari : बुलडाणा जिल्ह्यात खरीप हंगामाची पैसेवारी जाहीर ; १०५८ गावे ५० पैशांच्या आत, ३६२ गावांची पैसेवारी जास्त.तालुकानिहाय जाहीर झालेली अंतिम पैसेवारी (कंसात गावांची संख्या)नांदेड ३२ (८८), अर्धापूर ३७ (६६), कंधार ३२ (१२६), लोहा ३२ (१२६), भोकर ३२.३६ (७९), मुदखेड ३२.३३ (५५), हदगाव ३४ (१३७), .हिमायतनगर ३७ (६४), किनवट ३७ (१९१), माहूर ३७ (८४), देगलूर ३६ (१०८), मुखेड ३२ (१३५), बिलोली ३५ (९२), नायगाव ३२ (८९), धर्माबाद ३१ (५६), उमरी ३५ (६३) (नांदेड तालुक्यातील १६ गावांचे नागरिकरण झाले आहे.).ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
