Crop Insurance Update: पंतप्रधान पीकविमा योजनेत आता अंजीर पिकाचा समावेश करण्यात आला आहे. यामुळे पुरंदरमधील उत्पादकांना नैसर्गिक आपत्तीत मोठा दिलासा मिळणार आहे. कृषी विभागाने मागील तीन वर्षांपासून केलेल्या सातत्यपूर्ण पाठपुराव्याला अखेर यश आले आहे. अंजीर पिकाला विम्याचे संरक्षण मिळणार असल्याने उत्पादकांनी समाधान व्यक्त केले आहे..फळपीक विमा योजनेमध्ये चालू वर्षी केंद्र शासनाने इतर फळ पिकांप्रमाणेच अंजीर या फळ पिकाचा समावेश केल्याने पुरंदर तालुक्यातील उत्पादकांना नैसर्गिक आपत्तीत मोठा आधार मिळणार आहे. तालुक्यात ५६० हेक्टरवर अंजिराचे उत्पादन घेतले जाते. मात्र विमा कवच नसल्याने शेतकरी अडचणीत होते. तत्कालीन कृषी अधिकारी सूरज जाधव यांनी फेब्रुवारी २०२४ मध्ये प्रस्ताव पाठवला होता, ज्याचा पाठपुरावा श्रीधर चव्हाण यांनी सुरू ठेवला. केंद्र शासनाने आता या प्रस्तावास मंजुरी दिली आहे..Crop Insurance Scheme: हवामान धोक्यांपासून पिकांना मिळणार कवच : सूरज जगताप .या योजनेअंतर्गत मृग आणि आंबिया अशा दोन्ही बहारांना विमा संरक्षण मिळेल. शेतकऱ्यांना प्रति हेक्टर आठ हजार रुपये विमा हप्ता भरावा लागणार असून १ लाख ६० हजार रुपयांचे विमा संरक्षण मिळणार आहे. मृग बहारासाठी ३१ जुलैपर्यंत, तर आंबिया बहारासाठी १४ जानेवारी २०२७ पर्यंत अर्ज करता येईल. पावसाचा खंड, अति आर्द्रता आणि गारपीट यांसारख्या संकटांपासून यामुळे शेतकऱ्यांचे आर्थिक नुकसान टळणार आहे..Crop Insurance: दहा शेतकऱ्यांना चार वर्षांनंतर पीकविम्याचा लाभ मिळणार.पीकविम्याचा लाभ घेण्यासाठीडिजिटल क्रॉप सर्वे नोंदणी करणे गरजेचे.बँक खाते आधारला लिंक करणे, फार्मर आयडी असणे बंधनकारक.उत्पादनक्षम अंजीर बागेची जिओ टॅगिंग आवश्यक..पंतप्रधान पीकविमा योजनेत इतर फळपिकांप्रमाणेच अंजीर पिकाचा समावेश केल्याने या पिकाचे मोठ्या प्रमाणात उत्पादन करणाऱ्या पुरंदर तालुक्यातील शेतकऱ्यांसाठी ही योजना फलदायी ठरणार आहे. शेतकऱ्यांनी अधिकाधिक योजनेचा लाभ घेत आपला मुदतीत अर्ज सादर करावा.- श्रीधर चव्हाण, पुरंदर तालुका कृषी अधिकारी.मागील अनेक दिवसांपासून अंजीर उत्पादक तालुका कृषी विभागाद्वारे शासन दरबारी फळपीक योजनेत अंजिराचा समावेश करण्याची मागणी करण्यात येत होती. त्यास यश आल्याने नैसर्गिक आपत्तीच्या काळात निश्चितपणे शेतकऱ्यांना हे विमा संरक्षण आधार देणारे ठरणार आहे.- रामचंद्र यशवंत खेडेकर, अंजीर उत्पादक, गुरुळी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
