Jalgaon News: खानदेशात खतपुरवठा मंजूर लक्ष्यांकाच्या तुलनेत बऱ्यापैकी सुरू आहे. यातच १०.२६.२६ व युरिया या रासायनिक खतांची टंचाई दूर झाल्याची माहिती आहे. खानदेशात सुमारे दोन लाख टन खतांचा पुरवठा रब्बीत होणार आहे. ऑक्टोबरमध्ये रब्बी हंगाम सुरू झाला. .ऑक्टोबरमध्येही १०.२६.२६ ची मागणी होती. परंतु नंतर ही मागणी कमी झाली. पुन्हा नोव्हेंबरमध्ये खतांची मागणी वाढली. या कालावधीत डीएपीची काही भागात टंचाई होती. परंतु दरम्यान १०.२६.२६ व युरियाचा पुरवठा कंपन्यांकडून सुरळीत झाला. हा पुरवठा झाल्यानंतर टंचाई काहीशी कमी झाली..Fertilizer Stock India : देशातील युरियाची विक्री वाढली; डीएपीची विक्री घटली, खतांचा साठा पुरेसा असल्याचा सरकारचा दावा.धुळ्यातील शिरपूर, धुळे , जळगावमधील रावेर, चोपडा, जामनेर, पाचोरा, जळगाव भागात १०.२६.२६ची मागणी आहे. काही विक्रेते कुठलीही लिकींग करीत नसल्याने शेतकऱ्यांना तेवढा आधारही सध्या झाला आहे. खते, बियाणे महाग, शेतमालाचे कमी दर यात शेतकऱ्यांना खते रास्त किंवा निश्चित दरात मिळावीत, अशी मागणी सतत होती..१०.२६.२६ चा पुरवठा मागील महिन्यात झाला आहे. कृषी विभागाकडे खतपुरवठा व त्याची उपलब्धता याबाबत सकारात्मक आकडेवारी आहे. परंतु डीएपीची समस्या काही भागात किंवा जामनेर, धुळ्यातील शिरपूर, नंदुरबारातील शहादा व नंदुरबार भागात कायम आहे..Silicon Fertilizer: ऊस वाढीसाठी सिलिकॉन आवश्यक.जळगाव तालुक्यात डीएपी पुरेसा असल्याचा दावा केला जात आहे. मंजूर लक्ष्यांकानुसार खतपुरवठा झाला असून, त्याची रोजची माहिती अॅपवर उपलब्ध आहे. खत उपलब्ध असून, ते देण्यास कुणी नकार देत असेल तर तक्रार करावी, असे आवाहन कृषी विकास अधिकारी पद्मनाभ म्हस्के यांनी केले आहे. जळगाव जिल्ह्यात सुमारे दीड लाख टन खतांचा पुरवठा रब्बीसाठी होणार आहे..एकाच कंपनीवर धाव नकोकाही भागात एका विशिष्ट कंपनीच्या १०.२६.२६ ची मागणी आहे. त्याचा पुरवठा ज्या कृषी केंद्र, वितरांकडे केला जातो, तेथून शेतकरी मागणी करीत आहेत. परंतु शेतकऱ्यांनी एकाच कंपनीच्या खतांची मागणी करू नये. सर्व खते मान्यताप्राप्त कंपनीची आहेत की नाहीत हे लक्षात घेऊन ते खरेदी करावे. नॅनो युरिया व नॅनो डीएपीचा वापर करावा. यातून खर्च कमी व खतांचा कार्यक्षम उपयोग होण्यास मदत होईल, असेही कृषी विभागाने म्हटले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
