Agricultural Subsidy: चालू रब्बी हंगामासाठी केंद्र सरकारने खतांवरील अनुदानात केलेल्या मोठ्या वाढीमुळे शेतकऱ्यांना मिश्र खते अधिक परवडणारी ठरण्याची शक्यता आहे. परिणामी, मिश्र खतांची मागणी पुन्हा वाढण्यासह देशांतर्गत खत उत्पादकांवरील आर्थिक ताण कमी होण्याची अपेक्षा आहे. ‘दौलत कॅपिटल’च्या अहवालात हा अंदाज व्यक्त करण्यात आला आहे..अनुदानाच्या सुधारित दरांमुळे ‘डाय-अमोनियम फॉस्फेट’ (डीएपी) आणि मिश्र खतांच्या किमतींमधील तफावत कमी होईल. त्यामुळे ‘डीएपी’ऐवजी इतर पोषक घटकांचे संतुलित प्रमाण असलेल्या खतांचा वापर वाढण्यास मदत होईल, असे अहवालात म्हटले आहे. केंद्रीय मंत्रिमंडळाने बुधवारी १ ऑक्टोबर २०२६ ते ३१ मार्च २०२७ या रब्बी हंगामासाठी ६२ हजार ४०० कोटी रुपयांच्या खत अनुदानाला मंजुरी दिली..Fertilizer Black Marketing : शेतकऱ्यांची फसवणूक थांबणार! अनुदानित खतांच्या काळाबाजाराला प्रशासनाने लावला लगाम.गेल्या वर्षी याच कालावधीत मंजूर झालेल्या ३८ हजार कोटी रुपयांच्या तुलनेत ही वाढ ६४ टक्के आहे. पोषक घटकांवर आधारित अनुदान योजनेअंतर्गत सरकारने नायट्रोजनवरील अनुदानात वार्षिक तुलनेत ११९ टक्के वाढ करून ते प्रति किलो ९४.२१ रुपये केले आहे. ‘फॉस्फरस’वरील अनुदान ३८ टक्क्यांनी वाढवून प्रतिकिलो ६६.११ रुपये, तर गंधकावरील अनुदान २६३ टक्क्यांनी वाढवून प्रतिकिलो १०.४२ रुपये करण्यात आले आहे. पोटॅशवरील अनुदान मात्र प्रतिकिलो २.३८ रुपये इतकेच कायम ठेवण्यात आले आहे..Digital Fertilizers Sale: राजस्थानातील आणखी ११ जिल्ह्यांत डिजिटल खत.या बदलांची पार्श्वभूमी स्पष्ट करताना ‘दौलत कॅपिटल’ने म्हटले आहे, की ‘डीएपी’च्या एका गोणीची किरकोळ किंमत १,३५० रुपये कायम असताना एनपी २०:२० या मिश्र खताच्या गोणीची किंमत वाढून सुमारे २१०० रुपये झाली होती. त्यामुळे शेतकऱ्यांना किमतीच्या दृष्टीने डीएपी अधिक परवडणारे वाटत होते. याचा परिणाम खतांच्या विक्रीच्या प्रमाणावर झाला. उद्योगातील नायट्रोजन, फॉस्फरस आणि पोटॅशिअम (एनपीके) खतांच्या तुलनेत डीएपीच्या विक्रीचे पारंपरिक ६०:४० हे प्रमाण बदलून ३०:७० झाले..एनपीके खतांमधून पिकांच्या वाढीसाठी आवश्यक असलेले तीन प्रमुख पोषक घटक मिळतात. परिणामी, चालू आर्थिक वर्षाच्या दुसऱ्या तिमाहीत संपूर्ण खत उद्योगातील ‘एनपीके’ खतांची विक्री आणि वापर ४० टक्क्यांनी घटल्याचे अहवालात नमूद केले आहे. अनुदान वाढीमुळे उत्पादकांना मिश्र खतांच्या किरकोळ किमती कमी करणे शक्य होईल. त्यामुळे या खतांची मागणी वाढण्यास आणि उत्पादकांच्या आर्थिक स्थितीत सुधारणा होण्यास मदत होऊ शकते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
