Asia Conflict affects Agriculture: पश्चिम आशियातील युद्धामुळे जागतिक स्तरावर पॅकेजिंग साहित्याचा मोठा तुटवडा निर्माण झाला असून, त्याचा थेट फटका खत आणि बियाणे उद्योगाला बसू लागला आहे. पॅकेजिंग क्षेत्रातील सूत्रांनी दिलेल्या माहितीनुसार, ऐन खरीप हंगामाच्या तोंडावर निर्माण झालेल्या या संकटामुळे आगामी काळात खते आणि बियाण्यांच्या किमतीत मोठी वाढ होण्याची शक्यता व्यक्त होऊ लागली आहे. असे झाल्यास थेट शेतकऱ्यांच्या खिशाला मोठी झळ बसण्याचे चिन्हे आहेत..अमेरिका-इस्रायल आणि इराणमधील युद्धामुळे पुरवठा साखळी विस्कळीत झाली आहे. याचा सर्वाधिक परिणाम प्लॅस्टिक आणि पॉलिमर उत्पादनांवर झाला आहे. प्लॅस्टिक पॅकेजिंगच्या किंमतीत तब्बल ७० ते ८० टक्क्यांपर्यंत वाढ झाली आहे. तर कागदी पॅकेजिंगचे दरही १५ ते २० टक्क्यांनी वधारले आहेत..Agri Input Crisis: रासायनिक खतांवरील अवलंबित्व कमी करा.जुने करार मोडीतधक्कादायक बाब म्हणजे, कच्च्या मालाचे पुरवठादार जुने करार मोडीत काढून सध्याच्या चढ्या दराने (स्पॉट प्राइसिंग) विक्री करत आहेत. यामुळे खत आणि बियाणे उत्पादक कंपन्यांचे आर्थिक गणित कोलमडण्याची भीती व्यक्त होऊ लागली आहे..बियाणे पुरवठा विस्कळीत होण्याची भीतीबियाणे हा एक ‘सजीव घटक’ असल्याने त्याच्या साठवणुकीसाठी विशिष्ट प्रकारच्या पॉलिमर पॅकेजिंगचा वापर होत असतो. हे साहित्य प्रामुख्याने क्रूड ऑइलपासून बनवले जाते. बियाण्यांना कीड लागू नये आणि त्याची उगवणक्षमता टिकून राहावी, यासाठी हे पॅकेजिंग अनिवार्य मानले जाते. मार्च आणि एप्रिल हा महिना बियाणे प्रक्रिया आणि पॅकेजिंगसाठी अत्यंत महत्त्वाचा असतो. मात्र याच काळात साहित्याचा तुटवडा निर्माण झाल्याने खरिपातील विविध बियाण्यांच्या पुरवठ्यावर परिणाम होऊ शकतो, अशी चिंता व्यक्त होत आहे..Agriculture Crisis: उत्तर महाराष्ट्रातील शेती संकटात.तज्ज्ञांच्या म्हणण्यानुसार,तांत्रिक अडचणींमुळे कंपन्यांकडे दरवाढ करण्याशिवाय पर्याय उरलेला नाही. परिणामी, एप्रिल महिन्यापासून बाजारपेठेत खतांच्या गोण्यांचे दर वाढण्याची शक्यता वर्तवण्यात येत आहे..युद्धामुळे विविध क्षेत्रांना जशी झळ बसते आहे, तीच गत खत उद्योगाचीही झाली आहे. युद्धामुळे खत पॅकेजिंग साहित्याच्या खर्चावर मोठा परिणाम झाला आहे. विशेषतः जैव खते, सेंद्रिय खते, ‘प्रोम’, स्टिम्युलंट्स आणि अनुदानित खते यांसारख्या कमी किमतीच्या प्रकारांत याचा प्रभाव अधिक जाणवत आहे.राजिब चक्रवर्ती, राष्ट्रीय अध्यक्ष, सोल्युबल फर्टिलायझर इंडस्ट्री असोसिएशन.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
