Maharashtra Fertilizer Linking Issue: खतांच्या लिंकिंग पद्धतीमुळे शेतकऱ्यांवर सक्ती होत असून, सुमारे ९० टक्के प्रकरणांमध्ये शेतकऱ्यांना नाहक आर्थिक भुर्दंड सहन करावा लागत आहे. यासंदर्भात कृषी निविष्ठा केंद्रे बंद ठेवून आंदोलनही करण्यात आले होते. यासाठी खत विक्रीतील 'लिंकिंग' प्रकार थांबवून शेतकऱ्यांची आर्थिक लूट थांबवणे. तसेच दोषी कंपन्या आणि विक्रेत्यांवर कारवाई करण्यासंदर्भात आणि खतांच्या काळ्या बाजाराला आळा घालण्यासाठी शासनाने कोणती कार्यवाही केली वा करण्यात येत आहे? असा प्रश्न विधानपरिषदेत उपस्थित करण्यात आला. त्यावर कृषिमंत्री दत्तात्रय भरणे यांनी खुलासा केला आहे. राज्यात खतांच्या लिंकिंगला मनाई असल्याचे त्यांनी स्पष्ट केले..कृषिमंत्री भरणे यांनी दिलेल्या लेखी उत्तरात म्हटले आहे की, कृषी निविष्ठा विक्रेत्यांच्या मागण्यासंदर्भात त्यांचे बेमुदत आंदोलन २७ एप्रिल २०२६ ते २९ एप्रिल २०२६ या कालावधीत झाले होते. कृषी निविष्ठा विक्रेत्यांच्या मागण्यासंदर्भात महाराष्ट्र फर्टिलायजर्स, पेस्टीसाईडस् व सीडस् डिलर्स असोसिएशनच्या निवेदनाच्या अनुषंगाने बैठक झाली. सदर बैठकीत खत उत्पादक कंपन्यांकडून रासायनिक खतांचा पुरवठा होताना होत असलेले लिंकिंग बंद करावे याबाबत चर्चा झाली. त्याअनुषंगाने लिंकिंग बंद करण्याबाबत सदर बैठकीत सकारात्मक चर्चा झाल्यामुळे सदर बेमुदत आंदोलन २९ एप्रिल २०२६ रोजी मागे घेण्यात आले.. Maharashtra Fertiliser Linking : उत्तर प्रदेशच्या धर्तीवर खत लिकिंगसाठी महाराष्ट्रात नवा नियम आणणार; कृषिमंत्री दत्तात्रय भरणेंची विधानसभेत माहिती.दरम्यान, खरीप हंगामाच्या पार्श्वभूमीवर खत व बियाणे पुरवठा नियमितपणे सुरु होता. राज्यात लिंकिंग पद्धत थांबविण्यासाठी शेतकऱ्यांचा हिताचा विचार करुन उत्तर प्रदेश व मध्य प्रदेश राज्याने काढलेल्या आदेशाच्या धर्तीवर एक महत्त्वाचा निर्णय घेण्यात आला आहे. .Fertilizer Linking Ban: खतांच्या 'लिंकिंग'ला तत्काळ प्रभावानं मनाई, राज्य सरकारचा मोठा निर्णय .राज्यामध्ये अनुदानित खतांचे उत्पादक, पुरवठादार कंपन्यांना अनुदानित खताची विक्री व पुरवठा करण्याबाबत दिलेल्या परवान्यातील अनुदानित रासायनिक खते सोडून इतर विना-अनुदानित खते, सूक्ष्म अन्नद्रव्ये, जैवखते, जैवउत्तेजके आदींचा पुरवठा व विक्री करण्यास मनाई करण्याचा निर्णय २० मे २०२६ रोजी घेतला आहे, असे कृषिमंत्र्यांनी नमूद केले आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
