Agriculture Department Action: अमरावती : युद्धजन्य परिस्थितीमुळे कच्च्या मालाचा पुरवठा प्रभावी झाला आहे. खत उत्पादनावरही त्याचा परिणाम झाल्याचे सांगितले जात आहे. अशातच खताची साठेबाजी आणि गैर-कायदेशीर विक्रीला उधाण आल्याने त्यावर नियंत्रणासाठी अमरावती विभागातील पाच जिल्ह्यांतील तब्बल ५३ कृषी व्यावसायिकांना कृषी विभागाने नोटिसा बजावल्या आहेत. .खरीप हंगामाला अवघा दीड महिना शिल्लक असताना बाजारात डीएपी सह विविध खतांचा कृत्रिम तुटवडा निर्माण झाला आहे. कृषी विभाग मात्र खतांची मुबलकता असल्याचे सांगत असताना बाजारात मात्र खत मिळत नसल्याने शेतकऱ्यांची चिंता वाढली आहे. याच चिंतेतून शेतकरी मोठ्या प्रमाणावर खताची खरेदी करत असून अनेक ठिकाणी साठेबाजीलादेखील उत आला आहे. याच संधीचा फायदा घेत कृषी व्यावसायिकांकडून देखील किमतीपेक्षा अधिक दराने खताची विक्री होत असल्याचा आरोप आहे. .Inputs Seller license Suspension: देगलूरमध्ये पाच कृषी निविष्ठा विक्री केंद्रांचे परवाने निलंबित.इतकेच नाही तर काही शेतकऱ्यांना पाच ते दहा गोणी खतांची विक्री करत त्यांच्याच नावावर २५ ते ५० गोण्या विकल्याचे दर्शविले जाते. या खताच्या गोण्यांची नंतर इतर शेतकऱ्यांना विक्री केली जात असल्याचा संशय कृषी विभागाला आहे. त्यामुळेच कृषी आयुक्तालयाच्या निर्देशानुसार अमरावती विभागातील पाच जिल्ह्यात साठा पडताळणी मोहीम हाती घेण्यात आली आहे. अमरावती विभागीय कृषी सहसंचालक गणेश घोरपडे यांच्या मार्गदर्शनात तंत्र अधिकारी गुण नियंत्रण नितीन लोखंडे यांच्यासह संजय पाटील यांच्या माध्यमातून ही मोहीम राबवली जात आहे. .Fertilizer Shortage : पंतप्रधान कार्यालयाने कृषी मंत्रालयाकडून मागवली खत आणि रसायनांची माहिती; केंद्र सरकारकडून उपाययोजना सुरु?.कृषी सेवा केंद्रातून खत विक्रीची माहिती घेत त्या आधारे २५ ते ५० खताच्या गोण्या खरेदी करणाऱ्या शेतकऱ्यांच्या घरी जात पडताळणीवर या मोहिमेअंतर्गत भर देण्यात आला आहे. शेतकऱ्याच्या घरी जाऊन बिलावर खरेदी केलेल्या साठ्याची नोंद आणि प्रत्यक्ष साठा याची खातरजमा करून या कारवाईचे छायाचित्रण करून तसा अहवाल वरिष्ठांना सादर केला जात आहे. अकोला, वाशिम, बुलडाणा, अमरावती यवतमाळ या पाचही जिल्ह्यांमध्ये ही मोहीम राबविली जात असल्याचे श्री. घोरपडे यांनी सांगितले..व्यावसायिकांना नोटीसबिलावरील खत विक्रीची प्रत्यक्ष नोंद आणि शेतकऱ्यांकडील साठा, साठा रजिस्टर अद्यावत नसणे व इतर अनेक त्रुटी खत विक्री दरम्यान आढळून आल्या आहेत. अशा अमरावती विभागातील तब्बल ५३ कृषी सेवा केंद्रधारकांना नोटीस बजावत ठराविक कालावधीत खुलासा करण्याचे निर्देश कृषी विभागाकडून देण्यात आले आहेत. संबंधित विक्रेत्याचा खुलासा समाधानकारक नसल्यास त्याच्यावर परवाना निलंबनाची कारवाई केली जाणार असल्याचे कृषी विभागाकडून सांगण्यात आले..अमरावती विभागातील अकोला, वाशिम, बुलडाणा, अमरावती यवतमाळ या पाचही जिल्ह्यांमध्ये खताचा मुबलक साठा उपलब्ध आहे, असे असतानाही अफवांमुळे शेतकरी मोठ्या प्रमाणावर खताची खरेदी करून त्याचा साठा करीत आहेत. शेतकऱ्यांनी गरजेपुरते खत खरेदी करावे. हंगामात खत उपलब्धतेची कोणतीच अडचण भासणार नाही.- गणेश घोरपडे, अमरावती विभागीय कृषी सहसंचालक..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
