Jalgaon News : यंदा पाऊसमान चांगले झाले आहे. रब्बी पिकांची लागवड वाढणार आहे. यामुळे रब्बीत खतांबाबतची मागणी अधिक राहणार आहे. डीएपी, युरिया आदी खतांची टंचाई खरिपात होती. जिल्ह्यात बारमाही खतांची मागणी असते. अशात मागणी आल्यास मुबलक खते उपलब्ध करून देण्यासाठी कृषी विभागाला योग्य नियोजन करावे लागणार आहे. .सध्या जिल्ह्यात मुबलक खतसाठा उपलब्ध आहे. तसेच खतांची मागणीही कमी आहे. पण दिवाळीनंतर खतांची मागणी वाढेल. कारण केळी, पपई, कलिंगड, भाजीपाला पिकांची लागवड वाढेल. यात बऱ्यापैकी खते काही भागात शिल्लक आहेत. संयुक्त खतांचा पुरवठा नव्या हंगामात होणार आहे. .Fertilizer Dealers Issue: निविष्ठा विक्रेत्यांना आरोपीच्या यादीतून कायमचे वगळा.सध्या अनेक भागात खतसाठा शेतकऱ्यांसाठी उपलब्ध आहे. परंतु जिल्ह्यात अनेक भागात १०.२६.२६ चा तुटवडा आहे. युरिया, डीएपी ही खते मुबलक असल्याचे दिसते. पण विक्रेते पुरेशी खते देत नाहीत, अशाही तक्रारी आहेत. .Fertilizer Linking: खतांच्या लिंकिंगबाबत तक्रार करा.युरिया पुरेसा उपलब्ध होत नाही, अशीही तक्रार शेतकऱ्यांमध्ये आहे. पेरणी सुरू झाल्यानंतर अनेक शेतकरी सरळ खते पेरणी करतानाच देतात. यामुळे या काळात खतांची मागणी सर्वत्र असणार आहे. त्यात युरिया, डीएपी व १०.२६.२६ खतही मुबलक प्रमाणात मोठी गावे, तालुकास्तरावर उपलब्ध करून द्यावे, अशी मागणी पुढे येत आहे..शेतकऱ्यांनी साठा करू नयेखतांची मागणी असते. परंतु एकाच वेळी शेतकऱ्यांनी पूर्ण हंगामासाठी लागणाऱ्या सर्व खतांची खरेदी करू नये. जशी गरज असते, तशी खतांची बाजारातून खरेदी करावी. यामुळे खतपुरवठ्यासंबंधीचा ताण येणार नाही व टंचाईदेखील होणार नाही, असे कृषी विभागाने म्हटले आहे. परंतु कृषी विभागाने आपले पुरवठा नियोजन सांभाळावे, विक्रेत्यांना समज द्यावी व लिंकींगची समस्या दूर करावी, अशी अपेक्षा शेतकरी व्यक्त करीत आहेत. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
