Chh. Sambhajinagar News : दक्ष शेतकऱ्यांच्या प्राप्त तक्रारीच्या अनुषंगाने बाजारसावंगी (ता. खुलताबाद) येथे कृषी विभागाच्या भरारी पथकाने राहत्या घरातून अनधिकृतपणे युरिया खताचा साठा करून ३५० ते ४५० रुपये जादा दराने विक्री करणाऱ्या विक्रेत्यावर कारवाई केली. त्या केंद्राचा खत विक्रीचा परवाना कायमस्वरूपी रद्द केला आहे..जिल्हा परिषदेचे कृषी विकास अधिकारी प्रकाश पाटील यांनी दिलेल्या माहितीनुसार, या धाडीत झालेल्या तपासणीमध्ये, अनधिकृत पद्धतीने घरगुती ठिकाणी खताचा साठा,जादा दराने (३५०- ४५० रुपये अधिक) विक्री, साठा रजिस्टरमध्ये तफावत, प्रत्यक्ष गोदामात युरियाचा साठा असूनही ई-पीओएस वर शून्य दाखवणे व लपवाछपवी करणे आदी बाबी आढळून आल्या. .Illegal Fertilizer Stock : अवैध खतसाठाप्रकरणी पाथरी पोलिसांत गुन्हा.या प्रकारामुळे शेतकऱ्यांची फसवणूक होऊन त्यांना जादा दराने युरिया घ्यावा लागत होता. त्यामुळे गांभीर्य लक्षात घेऊन शेषराव कारभारी काटकर यांच्या रोहित कृषी सेवा केंद्र, कन्नड रोड, बाजारसावंगी (ता. खुलताबाद) खत विक्री परवाना कायमस्वरूपी रद्द करण्याची शिफारस करण्यात आली होती..Illegal Fertilizer Sale : चोपडा तालुक्यात विनापरवाना कृषी सेवा केंद्रावर कारवाई .त्यानुसार त्यांचा खत विक्रीचा परवाना कायमस्वरूपी रद्द करण्यात आला आहे.विभागीय कृषी सहसंचालक तथा जिल्हा अधीक्षक कृषी अधिकारी प्रकाश देशमुख यांच्या मार्गदर्शनाखाली ही कारवाई करण्यात आली. .यासंबंधी कारवाईच्या पथकात श्री. पाटील यांच्यासह जिल्हा गुणवत्ता नियंत्रण निरीक्षक हरिभाऊ कातोरे, कृषी अधिकारी (गुणनियंत्रण) काकासाहेब इंगळे आदी सहभागी झाले, असे श्री पाटील म्हणाले. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
