Leopard Attack Maharashtra : शिरूरकासार तालुक्यातील रूपूर शिवारात डोंगरपट्ट्यातील कपाशीच्या शेतात कापूस वेचणी करत असताना बुधवारी (ता. २१) सकाळी बिबट्याने एका महिलेवर झडप घालून तिला जखमी केल्याची घटना घडली. या वेळी जवळपास असणारे इतर शेतकरी धावून आल्याने मोठा अनर्थ टळला..कोळवाडी येथील मनकर्णा शिवराम नेटके या आपल्या रूपूर शिवारातील डोंगरालगतच्या शेतात कपाशी वेचणीचे काम करत होत्या. तेथे दबा धरून बसलेल्या बिबट्याने अचानक त्यांच्यावर झडप घातली. या हल्ल्यात त्या जखमी झाल्या असून त्यांना तत्काळ शिरूर येथील प्राथमिक आरोग्य केंद्रात दाखल करण्यात आले..Leopard Attack: बिबट्याने केलेल्या हल्ल्यात दोन वासरे ठार .सध्या त्यांच्यावर उपचार सुरू आहेत. शिरूरकासार तालुक्यात मागील काही दिवसांपासून बिबट्याचा वावर वाढल्याचे नागरिकांमध्ये भीतीचे वातावरण आहे. यापूर्वी फुलसांगवी परिसरातही बिबट्याने पशुधनावर हल्ला केल्याची घटना घडली होती. .Leopard Attack: धाडस दाखवत स्वतःसह वाचविला पशुधनाचा जीव.वारंवार अशा घटना घडत असतानाही वन विभागाकडून आवश्यक ती खबरदारी व ठोस उपाययोजना केल्या जात नसल्याचा आरोप शेतकरी व ग्रामस्थांकडून करण्यात येत आहे. बिबट्याचा बंदोबस्त करावा आणि शेतकऱ्यांच्या सुरक्षिततेसाठी तातडीने उपाययोजना कराव्यात, अशी मागणी होत आहे..वन विभागाचे दुर्लक्षकोळवाडी शिवारातील डोंगरपट्ट्यातील शेतात काही दिवसांपूर्वी बिबट्याचे मृत बछडे आढळून आले होते. त्यामुळे या परिसरात बिबट्याचा वावर असल्याचे स्पष्ट झाले होते. असे असतानाही वन विभागाकडून प्रतिबंधात्मक उपाययोजना म्हणून पिंजरे लावण्यात आले नाहीत. परिणामी आता महिलेवर थेट बिबट्याचा हल्ला झाल्याची घटना घडली. या संपूर्ण प्रकाराबाबत वन विभागाकडून दुर्लक्ष होत असल्याचा आरोप ग्रामस्थांकडून करण्यात येत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
