Chandrapur News: वाघाच्या धास्तीमुळे मजूर मंडळी धानकापणीस नकार देत असल्यामुळे जिल्ह्यातील अनेक गावांतील शेतकऱ्यांचे नियोजन कोलमडले असून मजुरीचे दर दोनशेवरून सहाशे रुपयांवर पोहोचले आहेत..जिल्ह्यातील गणेशपिपरी, चेकपिपरीसह अनेक गावांत वाघाच्या वावरामुळे दहशत पसरली आहे. या वाघाने दीड महिन्यांपूर्वी दोन शेतकऱ्यांचे बळीदेखील घेतले आहेत. तेव्हापासून वाघाला जेरबंद करण्याचा वन विभागाचा प्रयत्न सुरू आहे, परंतु अद्याप यात यश आलेले नाही. परिणामी, शेतमजूर वाघाच्या धास्तीपोटी शेतात येऊन धानकापणी करण्यास शेतकऱ्यांना नकार कळवत आहेत..Tiger Attack : वाघाच्या हल्ल्यात जर्सी गायींचा बळी ; येडशी अभयारण्यात वाघाचा धुमाकूळ.हातातोंडाशी आलेले पीक कापणीअभावी तसेच पडून राहात असल्यामुळे शेतकऱ्यांना धावपळ करून दूर अंतरावरून मजूर मागवावे लागत आहेत. त्यामुळे मजुरीचे दर मोठ्या प्रमाणात वाढले आहेत. महिलांकरिता दोनशे रूपयांवर असलेली मजुरी चारशेवर गेली आहे, तर पुरूषांकरिता असलेली चारशे रूपये मजुरी सहाशे रूपयावर गेली आहे. याव्यतिरिक्त, त्यांच्या येण्या-जाण्याची, जेवणाची व्यवस्था करावी लागत आहे..Bogus Agriculture Inputs: बनावटगिरीला हवा कायद्याचा धाक.तसेच, वाघापासून बचाव करण्यासाठी वनविभागाने बाधित गावांतील शेतकऱ्यांना सावध करण्यासाठी भोंगे दिले आहेत. धानकापणी सुरू असताना किमान दोन मजूर भोंगे वाजविण्यासाठी ठेवावे लागतात. त्यांनाही प्रत्येकी चारशे मजुरी द्यावी लागत असल्यामुळे हाही खर्च शेतकऱ्याला स्वतःच्या खिशातून करावा लागत आहे. त्यामुळे वैतागलेल्या शेतकऱ्यांनी नुकसानभरपाईची मागणी केली आहे..शेतकऱ्याची व्यथागणेशपिपरी येथील शेतकरी देवराव कुडे यांनी ठेक्याने पंधरा एकर शेती केली. पण, या वर्षी वाघाने त्यांचे पूर्ण गणितबिघडविले. त्यांच्या शेताला लागून असलेल्या भाऊजी पाल यांचा वाघाने बळी घेतला होता. त्या घटनेपासून कुडे आपल्याशेतातही गेलेले नाहीत. जीवमहत्त्वाचा आहे. वाघाला जेरबंदकेल्याशिवाय शेतात जाणार नाही, असे कुडे यांनी सांगितले..वाघाच्या भीतीने गावात मजूर मिळत नाहीत. अशात धानकापणीसाठी मी ४० किलोमीटर अंतरावरील जुनासुर्ला येथील शेतमजूर आणले. त्यांना वाहनाने आणण्यासाठी दोन हजार रूपये खर्च आला. सोबत अतिरिक्त मजुरीही द्यावी लागली. माझ्यासह परिसरातील शेकडो शेतकरी बांधवांना याचा मोठा आर्थिक भुर्दंड बसत आहे.- अमित दुर्गे, शेतकरी, गणेशपिपरी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
