Rural Food Safety Awareness: अन्न व औषध प्रशासनाचे आयुक्त तुकाराम मुंढे यांनी राज्यभर सुरू केलेल्या धडक कारवाईचा प्रभाव आता शहरांपुरता मर्यादित न राहता ग्रामीण भागातही स्पष्टपणे जाणवू लागला आहे. पुणे जिल्ह्यातील बारामती, इंदापूर, दौंडसह ग्रामीण भागात व्यापारी, दूध डेअरी चालक, हॉटेल व्यावसायिक आणि भाजीविक्रेत्यांनी अन्नसुरक्षा व स्वच्छतेबाबत अधिक दक्षता घेण्यास सुरुवात केली आहे. परिणामी ग्राहकांना दर्जेदार, ताजे आणि सुरक्षित अन्नपदार्थ उपलब्ध होऊ लागल्याचे चित्र आहे..गेल्या काही दिवसांपासून अन्न व औषध प्रशासनाने दूध, दुग्धजन्य पदार्थ, मसाले, मिठाई, खाद्यतेल, पॅकेटबंद अन्नपदार्थ तसेच इतर जीवनावश्यक वस्तूंची राज्यभर व्यापक तपासणी सुरू केली आहे. नियमांचे उल्लंघन करणाऱ्यांवर कठोर कारवाई होत असल्याने ग्रामीण भागातील किरकोळ व घाऊक विक्रेत्यांमध्येही खळबळ उडाली आहे..Quality Milk Production: गुणवत्तापूर्ण दूध उत्पादनावर लक्ष द्या... .याचा सकारात्मक परिणाम आठवडी बाजारांसह गावातील दुकानांमध्ये दिसून येत आहे. पूर्वी उघड्यावर विकल्या जाणाऱ्या पालेभाज्या आता स्वच्छ धुऊन व नीटनेटकेपणे मांडल्या जात आहेत. अन्नधान्य, कडधान्य, मसाले आणि इतर खाद्यपदार्थांच्या स्वच्छ साठवणुकीवर भर दिला जात असून ग्राहकांना निकृष्ट अन्नपदार्थ विकले जाणार नाहीत, याची खबरदारी व्यापाऱ्यांकडून घेतली जात आहे..ग्रामीण भागात दुग्धव्यवसाय मोठ्या प्रमाणावर असल्याने दूध संकलन प्रक्रियेतही बदल दिसून येत आहेत. दूध डेअरींकडून शेतकऱ्यांकडून येणाऱ्या दुधाची डिग्री, फॅट आणि एस. एन. एफ. यांची काटेकोर तपासणी करूनच दूध स्वीकारले जात आहे. निर्धारित निकषांपेक्षा कमी दर्जाचे दूध स्वीकारले जाणार नाही, अशा स्पष्ट सूचना दूध उत्पादकांना देण्यात आल्या आहेत..Milk Adulteration Racket: गोरखधंदा भेसळीचा!.ग्रामीण भागातील हॉटेल व खानावळींमधून वारंवार वापरलेले खाद्यतेल, अस्वच्छ किचन तसेच उघडे व शिळे अन्नपदार्थ जवळपास हद्दपार झाले असून स्वच्छता, ताजेपणा आणि अन्नाच्या गुणवत्तेला प्राधान्य दिले जात आहे..अन्न व औषध प्रशासनाच्या या धडक मोहिमेमुळे व्यापाऱ्यांमध्ये अन्नसुरक्षा नियमांचे पालन करण्याची मानसिकता बळावली आहे. कारवाईच्या भीतीपोटी का होईना, ग्रामीण भागातही अन्नपदार्थांच्या गुणवत्तेबाबत शिस्त निर्माण होत असून त्याचा थेट लाभ ग्राहकांच्या आरोग्याला होत असल्याची भावना नागरिक आता व्यक्त करत आहेत..कालबाह्य उत्पादनांना थेट कचराकुंडीअन्न व औषध प्रशासनाच्या धडक कारवाईनंतर किरकोळ व घाऊक विक्रेत्यांनी कालबाह्य मसाले, पॅकेटबंद अन्नपदार्थ व इतर खाद्यवस्तू विक्रीतून तातडीने बाजूला काढून त्यांची विल्हेवाट लावण्यास सुरुवात केली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
