Nagpur News: शासनाने जाहीर केलेल्या ३१ हजार कोटी रुपयांच्या मदतीतून शेतकऱ्यांना कोणताही फायदा होणार नाही, असे चित्र आहे. कर्जमाफीच्या अपेक्षेने शेतकऱ्यांनी बॅंकांच्या कर्जाची परतफेड केली नाही. त्यामुळे त्यांना बॅंकांनी कर्ज दिले नाही. त्यामुळे सावकारांकडून त्यांनी पैशाची उचल केली. .या शेतकऱ्यांना तत्काळ दिलासा देण्यासाठी बॅंकाच्या माध्यमातून कर्जाची उपलब्धता करावी, अशी मागणी ज्येष्ठ शेतकरी नेते विजय जावंधिया यांनी केली आहे. मुख्यमंत्री देवेंद्र फडणवीस यांना पाठविलेल्या पत्रातून ही मागणी करण्यात आली आहे. पत्रानुसार, विधानसभा निवडणुकीत महायुतीकडून कर्जमाफीचे आश्वासन देण्यात आले होते..Agriculture Mortgage Loan : ‘शेतीमाल तारण’साठी औसा बाजार समितीचे पहिले पाऊल.त्यानंतर विरोधी पक्षांकडून हा मुद्दा रेटण्यात आला. त्यामुळेच कर्जमाफी मिळणार या आशेवर शेतकऱ्यांनी त्यांच्यावरील थकीत कर्जाचा भरणाच केला नाही. त्यामुळे यंदाच्या खरिपात त्यांना बॅंकांकडून कर्ज मिळाले नाही. या थकीत कर्जदारांनी सावकारांकडून अधिक व्याजावर पैशाची उभारणी केली. काही शेतकऱ्यांनी कृषी सेवा केंद्रातून निविष्ठांची उधारी खरेदी केली आहे..खरिपातील शेतीमाल उत्पादनातून पैसा मिळेल आणि देणगीदारांची देणी चुकविता येतील, असे अपेक्षित होते. मात्र संततधार पाऊस, अतिवृष्टीचा फटका बसत संपूर्ण हंगाम वाया गेला, अशी स्थिती आहे. एकरी एक क्विंटल सोयाबीनची उत्पादकताही अनेकांना झाली नाही. कापूस उत्पादकांचेही नुकसान झाले..Agriculture Mortgage Loan : लासलगाव बाजार समितीमध्ये शेतीमाल तारण कर्ज योजना सुरू.बॅंकेचे थकीत कर्ज व सावकार, तसेच कृषी सेवा केंद्रांचा बोजा. त्यामुळे शेतकऱ्यांना आजच दिलासा हवा आहे. हा दिलासा कर्जमाफीतून मिळाला असता यात शंका नाही. परंतु कर्जमाफी आता ३० जून २०२६ पर्यंत पुढे ढकलण्यात आली आहे..या पार्श्वभूमीवर सरकारने काही उपाययोजना करणे गरजेचे आहे, असे श्री. जावंधिया यांनी पत्रात नमूद केले. सरकारने दुष्काळासारखी स्थिती असल्याचे जाहीर केले आहे. कर्जवसुली थांबविलेली आहे. प्रवीणसिंह परदेशी यांच्या अध्यक्षतेखालील समिती त्यातून मुक्त कसे व्हायचे, याचा मार्ग सुचवेल, असे श्री. जावंधिया यांनी म्हटले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
