ठळक मुद्देज्या शेतकऱ्यांकडे जमिनीचा मालकी हक्क नाही, त्यांना पीएम किसान योजनेचा लाभ मिळणारसीमा भागातील शेतकऱ्यांची ही गेल्या अनेक वर्षांपासूनची मागणी होतीती आता पूर्ण होणार असून त्यांना एक हप्ता तत्काळ दिला जाणार आहे .PM Kisan Yojana : पंतप्रधान किसान सन्मान निधी योजनेबाबत केंद्रीय कृषिमंत्री शिवराज सिंह चौहान यांनी महत्त्वाची माहिती दिली आहे. ज्या शेतकऱ्यांकडे जमिनीचा मालकी हक्क नाही, पण ते शेती करत आहेत; अशा शेतकऱ्यांना राज्य सरकारच्या पडताळणी अहवालाच्या आधारे या योजनेचा लाभ दिला जाईल, असे चौहान यांनी शुक्रवारी सांगितले..भारताच्या सीमेवरील गावांतील ज्यांच्याकडे जमिनीचा मालकी हक्क नाही, अशा शेतकऱ्यांना राज्य सरकारने प्रमाणित केल्यानंतर पीएम किसान योजनेचा लाभ मिळेल. सीमा भागातील शेतकऱ्यांची ही गेल्या अनेक वर्षांपासूनची मागणी होती, ती आता पूर्ण होईल, असेही ते म्हणाले..PM Kisan 21st Installment : दिवाळीपूर्वी शेतकऱ्यांना मिळू शकते खुशखबर?; पीएम किसानच्या २१ व्या हप्त्यापूर्वी तुमचे स्टेटस तपासा, जाणून घ्या स्टेप बाय स्टेप प्रक्रिया.या योजनेचा एक हप्ता तत्काळ जारी केला जाणार असल्याचेही त्यांनी सांगितले. चौहान यांनी जम्मू आणि काश्मीरच्या पूरग्रस्त भागांचा दौरा केला. या दौऱ्यादरम्यान त्यांनी हे आश्वासन दिले. तसेच मनरेगा अंतर्गत सध्याच्या १०० कामाच्या दिवसांवरुन ते १५० दिवस करण्याबाबत ते राज्य सरकारशी चर्चा करतील, असे आश्वासन त्यांनी शेतकरी आणि मजुरांना दिले..पुरामुळे अनेक घरे उद्ध्वस्त झाली आहेत. या घरांसाठी पंतप्रधान आवास योजनेअंतर्गत १ लाख ३० हजार रुपयांची मदत तसेच शौचालयांच्या बांधकामासाठी वेगळी रक्कम आणि ग्रामीण विकास मंत्रालयाकडून मनरेगाची मजुरी म्हणून ४० हजार रुपये दिले जातील, असेही त्यांनी नमूद केले. "आम्हाला ५,१०१ घरांचे नुकसान झाल्याची माहिती मिळाली आहे. त्यांच्यासाठी तत्काळ मदत मंजूर केली जाईल," असे चौहान म्हणाले..PM Kisan Maandhan Scheme: वृद्धापकाळात शेतकऱ्यांना मिळणार मासिक ३ हजार रुपये पेन्शन; केंद्र सरकारची आर्थिक आधार देणारी योजना!.शेतकऱ्यांना पीएम किसानच्या २१ व्या हप्त्याची प्रतीक्षापीएम किसान सन्मान निधी योजनेचा २० वा हप्ता २ ऑगस्ट २०२५ रोजी जारी केला होता. पंतप्रधान नरेंद्र मोदी यांनी वाराणसीतून ९.७१ कोटी शेतकऱ्यांच्या बॅंक खात्यात २०,५०० कोटी रुपयांहून अधिक रक्कम थेट हस्तांतरित केली होती. आता शेतकऱ्यांना २१ व्या हप्त्याची प्रतीक्षा लागली आहे. २०२४ मध्ये ५ ऑक्टोबर, २०२३ मध्ये १५ नोव्हेंबर आणि २०२२ मध्ये १७ ऑक्टोबर रोजी पीएम किसान योजनेचा हप्ता जारी केला होता. यावेळी सरकारकडून दिवाळीपूर्वी २१ वा हप्ता जारी शकते, असा अंदाज व्यक्त केला जात आहे. पण याबाबत अद्याप अधिकृत काही सांगण्यात आलेले नाही..पीएम किसान योजनेनुसार प्रत्येक शेतकऱ्याला दरवर्षी तीन समान हप्त्यांमध्ये ६ हजार रुपये दिले जातात. आतापर्यंत या योजनेचे २० हप्ते जारी करण्यात आले आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
