Beed News: शेतकऱ्यांच्या विविध मागण्यांसाठी शेतकरी हक्क मोर्चा समितीच्या वतीने गुरुवारी (ता.२५) सकाळी ११ वाजता छत्रपती शिवाजी महाराज पुतळा ते बीड जिल्हाधिकारी कार्यालय असा शेतकरी हक्क मोर्चा काढण्यात येणार आहे. जिल्ह्यातील विविध तालुक्यांमधून मोठ्या संख्येने शेतकरी या मोर्च्यात सहभागी होणार असल्याची माहिती आयोजकांनी यावेळी दिली..राज्यातील शेतकरी सध्या बिकट आर्थिक परिस्थितीतून जात असून शेतीमालाच्या उत्पादन खर्चात मोठी वाढ झालेली असताना शेतकऱ्यांना त्यांच्या शेतमालाला योग्य भाव मिळत नसल्याने शेतकरी वर्गात तीव्र असंतोष निर्माण झाला आहे. विशेषतः कापूस, सोयाबीन व तूर या प्रमुख पिकांचे दर उत्पादन खर्चाच्या तुलनेत अत्यंत कमी आहेत..Farmers Protest: प्रकल्पग्रस्त शेतकरी आज देणार विधान भवनावर धडक.असे समितीचे म्हणणे आहे. शासनाने आपल्या मागण्यांकडे तात्काळ लक्ष न दिल्यास शेतकऱ्यांकडून तीव्र आंदोलन उभारले जाईल, असा इशाराही यावेळी देण्यात आला आहे. शेतकरी हक्क मोर्चा समितीचे राजेंद्र आमटे, माजी सैनिक अशोक येडे, कुलदीप करपे, डॉ. गणेश ढवळे, गणेश मस्के, सुहास जायभाय, अर्जुन सोनवणे, राजू गायके, अण्णासाहेब राऊत यांनी शासकीय विश्रामगृहात घेतलेल्या पत्रकार परिषदेत या आंदोलनाची रुपरेषा सांगितली..Sugar Farmer Protest: शरद कारखान्यासमोर भेंडवडे ग्रामस्थांचे आंदोलन.शेतकऱ्यांच्या प्रमुख मागण्याकापसाला किमान १२ हजार रुपये प्रतिक्विंटल भाव हवा.सोयाबीनसाठी किमान ७ हजार रुपये प्रति क्विंटल दर निश्चित करा.कॉटन कॉर्पोरेशन ऑफ इंडिया (सीसीआय) कडून होणारी अडवणूक थांबवून सर्व शेतकऱ्यांचा कापूस खरेदी करण्यात यावा..हमीभावापेक्षा कमी दराने शेतमाल खरेदी करणाऱ्या बाजार समित्या व व्यापाऱ्यांवर कठोर कारवाई करण्यात यावी.बाजारात कमी दराने खरेदी झालेल्या शेतमालाचा विक्रीदर व खरेदीदरातील फरक सरकारने अनुदान स्वरूपात शेतकऱ्यांना भरून द्यावा.शेतकऱ्यांसाठी राबविण्यात येणाऱ्या विविध योजना, सबसिडी, ठिबक, तुषार सिंचन अनुदान व पीक विमा यांची थकीत रक्कम तात्काळ शेतकऱ्यांच्या खात्यावर जमा करण्यात यावी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
