Yavatmal News: शेतकऱ्यांचा सातबारा कोरा करा, या मागणीसाठी लाखो शेतकऱ्यांसह शनिवारी (ता.२७) मुंबईत धडक दिली जाणार आहे. त्याकरिता लहान-मोठ्या पक्षांची मोट बांधण्यात आल्याची माहिती यवतमाळ दौऱ्यावर असलेले राष्ट्रीय समाज पक्षाचे नेते महादेव जानकर यांनी ‘ॲग्रोवन’शी बोलताना दिली. .श्री. जानकर म्हणाले, ‘‘आम्ही बळीराजाचे वारस आहोत, अशी वल्गना करणाऱ्या सत्ताधाऱ्यांनी त्याच बळीराजाचा बळी घेण्यासाठीच्या धोरणांची अंमलबजावणी करण्यावर भर दिला आहे. याच धोरणांचा परिपाक म्हणून विदर्भात गेल्या आठ महिन्यांच्या कालावधीत एक हजारावर शेतकऱ्यांनी कर्जबाजारीपणा व इतर शेती समस्यांना घेऊन आत्महत्या केल्या आहेत.Loan Waiver Protest : माजलगावात कर्जमाफीसाठी चक्का जाम आंदोलन.याच सत्ताधाऱ्यांनी विधानसभा निवडणुकीपूर्वी शेतकऱ्यांना संपूर्ण कर्जमाफीचे आश्वासन दिले होते. सत्ता मिळताच या आश्वासनाचा विसर पडला. या विरोधात माजी राज्यमंत्री बच्चू कडू यांनी आंदोलन करताच त्यांना कर्जमाफीची आठवण झाली. मात्र सरसकट ऐवजी काही निकषांवर कर्जमाफी देणार असल्याचे सत्ताधारी मंत्री सांगतात..त्यावरूनच शासनाचे हे धोरण शेतकऱ्यांसाठी मारक असल्याचे सिद्ध होत आहे. परिणामी, सत्ताधाऱ्यांना त्यांच्या आश्वासनाची पुन्हा एकदा आठवण करून देण्याच्या उद्देशाने आता थेट मुंबईत धडक दिली जाणार आहे. शनिवारी (ता.२७) शेतकऱ्यांचा असंतोष मुंबईतील रस्त्यांवर सारेच अनुभवतील, असा इशाराही महादेव जानकर यांनी दिला..Farmer Protest: कळवणला शेतकऱ्यांचा ठिय्या.राज्यमंत्री बच्चू कडू, किसान सभा, शेतकरी संघटना (शरद जोशी) यांसह अनेक शेतकरी संघ, संस्था व संघटना या मोर्चात सहभागी होतील. राज्यभरातील शेतकरीच या मोर्चाचे नेतृत्व करणार आहेत. मुंबईतील हा कष्टकऱ्यांचा मोर्चाद्वारे शासनाला इशारा देणार असल्याचे देखील श्री. जानकर यांनी सांगितले..बहुजन समाजाला सध्या विविध प्रकारच्या कर्मकांडात गुंतवून ठेवण्यात आले आहे. त्यामुळेच शेती समोरील प्रश्न, हमीभावाचा मुद्दा, वाढती बेरोजगारी असे सारेच मुद्दे बाजूला पडले आहेत. शेतकरी आत्महत्या घडत असताना कर्जमाफीचा मुद्दाही तितकाच गंभीर आहे. परंतु समाजातून उठाव होत नसल्याने हा प्रश्नही बाजूला पडला. याविरोधात छोट्या-मोठ्या पक्षांची मोट बांधत जनआंदोलन उभारले जाणार आहे.महादेव जानकर, नेते, राष्ट्रीय समाज पक्ष.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
