Farmer Struggles during Fuel Shortage: डिझेल टंचाईमुळे खरीप हंगामासाठी सध्या नांगरणी आणि पेरणीपूर्व मशागतीची कामे थांबल्याने शेतकरी चिंतेत आहे. राज्यातील अनेक भागांत पेट्रोल पंपांवर एक किलोमीटरपर्यंत रांगा लागत आहेत. शेतकऱ्यांना ट्रॅक्टरला डिझेल मिळविण्यासाठी हातात चक्क कॅन घेऊन १२ तास रांगेत उभे राहावे लागत असल्याने शेतकऱ्यांनी संताप व्यक्त केला आहे. .डिझेल टंचाईमुळे शेतकरी मोठ्या संकटात सापडला आहे. खरीप हंगामाच्या तयारीसाठी शेतीकामांची लगबग सुरू झाली आहे. त्यासाठी जालन्यात डिझेलसाठी शेतकरी पहाटे पाच वाजल्यापासून हातात कॅन घेऊन रांगेत उभे असल्याचे व्हिडिओ समोर आले आहेत. जिल्ह्यातील अनेक पेट्रोल पंपांवर डिझेल खरेदीसाठी नागरिकांची मोठी गर्दी दिसून येत आहे..Fuel and Fertilizer Prices: इंधन, खतांचे दर दीर्घकाळ चढेच राहणार.शेती कामांसाठी डिझेल आवश्यक आहे. त्यासाठी शेतकरी पहाटे हातात कॅन घेऊन रांगेत उभे राहू लागले आहेत. अनेक पेट्रोल पंपांवरील इंधन साठा संपल्याची माहिती आहे. पण ज्या पंपांवर साठा उपलब्ध आहे; तिथे मोठी गर्दी होताना दिसत आहे..बुलडाणा जिल्ह्यातही डिझेल टंचाईमुळे मोठा गोंधळ उडाला आहे. अनेक पेट्रोल पंपांवर डिझेल संपल्याने शेतकरी, ट्रक चालक आणि सर्वसामान्य नागरिकांची मोठी गैरसोय झाली आहे. बुलडाण्यातील देऊळगावराजात डिझेलसाठी शेतकऱ्यांची गर्दी दिसून आली. डिझेल मिळवण्यासाठी बारा तास रांगेत उभे राहावे लागत असल्याचे येथील शेतकरी सांगतात. येथे एक किलोमीटरपर्यंत रांगा लागत असून, शेतकऱ्यांनी संताप व्यक्त केला आहे..Diesel Shortage Impact On Farming: डिझेल देता का डिझेल! शेतकरी १२ तास रांगेत, ऐन मशागतीच्या काळात इंधन तुटवडा.हिंगोली जिल्ह्यातही गेल्या काही दिवसांपासून इंधन टंचाई आहे. इंधन भरण्यासाठी नागरिकांच्या लांबच लांब रांगा लागल्या आहेत. याचा वाहतूक आणि दैनंदिन जनजीवनावर त्याचा परिणाम झाला आहे..छत्रपती संभाजीनगर जिल्ह्यातील लासूर परिसरात इंधनाचा तीव्र टंचाई जाणवत आहे. पेट्रोल उपलब्ध नसल्याची माहिती पसरताच नागरिकांनी रात्रीपासूनच पंपांवर रांगा लावण्यास सुरुवात केली होती. इंधनाअभावी अनेक वाहने रस्त्यावरच थांबली आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
