Indian Agriculture : परभणी पंतप्रधान पीकविमा योजनेअंतर्गत उत्पादनातील घट या जोखीम बाबीअंतर्गत खरीप हंगाम २०२५ मधील सोयाबीनचा पीक कापणी प्रयोगावर आधारित पीकविमा परभणी जिल्ह्यातील ५२ पैकी २४ महसूल मंडळांत मंजूर असून, ११ मंडळांत नामंजूर आहे. तर परभणी, सोनपेठ, गंगाखेड, पालम आणि पूर्णा या पाच तालुक्यांतील १७ महसूल मंडळांतील पीकविमा प्रलंबित आहे..खरीप २०२५ मधील सोयाबीनचा पीकविमा परतावा परभणी जिल्ह्यातील ५२ पैकी दैठणा, बोरी, दूधगाव, आडगाव, बामणी, चारठाणा, सेलू, देऊळगाव गात, मानवत, कोल्हा, ताडबोरगाव, केकरजवळा, रामपुरी, पाथरी, बाभळगाव, हादगाव बुद्रुक, कासापुरी, गंगाखेड, पालम, रावराजूर, चाटोरी, बनवस, पूर्णा आणि ताडकळस या २४ महसूल मंडळांत मंजूर करण्यात आला आहे..Biochar Mission: हवामान बदलाच्या समस्येसाठी समृद्ध भारत बायोचार मिशन.पंतप्रधान पीकविमा पोर्टलवरील आकडेवारीनुसार, परभणी जिल्ह्यातील १ लाख २० हजार ७८७ लाभार्थी शेतकऱ्यांना पीक कापणी प्रयोगातील उत्पादनाच्या आधारे १४५ कोटी २३ लाख रुपये अदा केल्याचे दर्शविण्यात आले आहे..सोयाबीनचे प्रत्यक्ष उत्पादन (एआय) हे उंबरठा उत्पादनापेक्षा (टीवाय) अधिक आल्याने जिंतूर, सावंगी म्हाळसा, वाघी धानोरा, वालूर, कुपटा, चिकलठाणा, मोरेगाव, शेळगाव, माखणी, महातपुरी आणि कात्नेश्वर या ११ मंडळांतील पीकविमा नामंजूर आहे. तर पाच तालुक्यांतील १७ महसूल मंडळांतील पीकविमा प्रलंबित आहे..Jal Jeevan Mission: ‘जिल्हा नियोजन’चा दोन टक्के निधी ‘भूजल’साठी.प्रलंबित पीकविम्याच्या प्रश्नी पंतप्रधान पीकविमा योजनेअंतर्गत परभणी जिल्हास्तरीय तक्रार निवारण समितीच्या २२ मे २०२६ रोजी झालेल्या सुनावणीत सोयाबीनच्या पीक कापणी प्रयोगाद्वारे नोंदविलेले वस्तुस्थितीदर्शक प्रत्यक्ष उत्पादन हेच विमा परिगणनेसाठी ग्राह्य धरण्यात यावे, असा निर्णय देण्यात आला होता..या निर्णयाविरुद्ध भारतीय कृषी विमा कंपनीने छत्रपती संभाजीनगर येथील विभागीय आयुक्त तथा विभागस्तरीय तक्रार निवारण समितीच्या अध्यक्षांकडे अपील केले होते. जुलै महिन्यात झालेल्या सुनावणीदरम्यान जिल्ह्यातील प्रलंबित १७ मंडळांतील शेतकऱ्यांना पीक कापणी प्रयोगातील सोयाबीनचे उत्पादन सुकवून केलेल्या वजनानुसार (ड्राय वेट) पीकविमा अदा करावा, असे आदेश विभागीय आयुक्तांनी दिले होते..त्यानंतर विमा कंपनीने राज्यस्तरीय तक्रार निवारण समितीकडे अपील केले होते. मागील महिन्यात राज्यस्तरीय समितीची सुनावणी झाली असून, शेतकऱ्यांना विमा रक्कम अदा करण्याच्या अनुषंगाने अनुकूल निर्णय झाला असल्याचे कृषी विभागाच्या सूत्रांनी सांगितले..परभणी जिल्ह्यातील खरीप २०२५ सोयाबीन पीकविमा स्थितीपीकविमा प्रलंबित मंडळे :परभणी तालुका : परभणी ग्रामीण, परभणी शहर, जांब, पेडगाव, पिंगळी, सिंगणापूर, टाकळी कुंभकर्ण, झरी.सोनपेठ तालुका : सोनपेठ, आवलगाव, वडगाव.गंगाखेड तालुका : पिंपळदरी, राणीसावरगाव.पालम तालुका : पेठशिवणी.पूर्णा तालुका : लिमला, चुडावा, कावलगाव..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
