Jalna News : शेतकऱ्यांनी उडीद पिकाखालील क्षेत्र वाढवावे, असे आवाहन खरपुडी येथील कृषी विज्ञान केंद्राचे वरिष्ठ शास्त्रज्ञ व प्रमुख डॉ. एस. व्ही. सोनुने यांनी केले. कृषी विज्ञान केंद्राच्या वतीने हातडी (ता. घनसावंगी) येथे आयोजित उडीद शेती दिन व पीक पाहणी कार्यक्रमात ते बोलत होते. .कार्यक्रमाचे अध्यक्षस्थानी सरपंच सौ. जानकीताई चव्हाण, उपसरपंच राम शिंदे, परतुरचे उपविभागीय कृषी अधिकारी राम रोडगे, रिलायन्स फाउंडेशनचे नितीन कोल्हे, प्रगतिशील शेतकरी बाबासाहेब शिंदे यांचेसह कृषी विज्ञान केंद्राचे शास्त्रज्ञ अजय मिटकरी, डॉ संगीता कऱ्हाळे, राहुल चौधरी, शशिकांत पाटील यांची प्रमुख उपस्थिती होती..Urad Sowing : उडीद पिकाखालील क्षेत्र वाढवा.डॉ. सोनुने म्हणाले, की कृषी विज्ञान केंद्राद्वारे तूर आणि उडीद पिकांच्या सुधारित तंत्रज्ञानाची प्रात्यक्षिके प्रत्येकी ६० हेक्टर आणि १५० शेतकरी अशी एकूण १२० हेक्टर आणि ३०० शेतकऱ्यांच्या शेतावर घेण्यात आली आहेत. अवेळी पाऊस आणि कीड-रोगांचा प्रादुर्भाव या कारणांमुळे अनेक शेतकरी हल्ली उडीद आणि मूग ही पिके घेत नाहीत. .मात्र या दोन्ही पिकांचे महत्त्व लक्षात घेता शेतकऱ्यांनी कापूस आणि तूर या मुख्य पिकात उडीद किंवा मुगाचे आंतरपीक घ्यावे व अधिकचे उत्पादन मिळवावे. उपविभागीय कृषी अधिकारी श्री रोडगे म्हणाले, की उडीद, मूग, करडई, जवस यांसारख्या दुर्लक्षित पिकांवर पीक प्रात्यक्षिके घेतली जाऊन शेतकऱ्यांमध्ये जाणीव जागृती केली जाते. .Marathwada Urad Sowing: मराठवाड्यात मुगापेक्षा उडदाचा पेरा जास्त .तसेच त्यांनी नानाजी देशमुख कृषी संजीवनी प्रकल्प टप्पा दोन बाबत सविस्तर मार्गदर्शन केले. श्री. मिटकरी म्हणाले, की कापूस पिकात उडीद हे आंतरपीक घेतल्यामुळे कापूस पिकावर किडींचा प्रादुर्भाव कमी होतो. सद्य: परिस्थितीत शेंदरी बोंडअळी कापसावर वाढण्याची शक्यता आहे. .त्यासाठी कापूस पिकात फोरोमन ट्रॅप लावून प्रादुर्भावाकडे लक्ष ठेवावे व एकात्मिक पद्धतीने व्यवस्थापन करावे. कापसात जास्तीच्या पावसामुळे दहिया व बोंड सड होण्याची शक्यता आहे. .कार्यक्रमाच्या शेवटी सर्व उपस्थित शेतकरी आणि महिला यांनी आबासाहेब शिंदे यांच्या शेतावरील कापूस अधिक तूर आंतरपीक प्रात्यक्षिकास भेट देऊन माहिती घेतली. कार्यक्रमाचे सूत्रसंचालन व आभार प्रदर्शन श्री.चौधरी यांनी केले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
