Irrigation Crisis : माळशिरस तालुक्यात यंदा पावसाचे प्रमाण अत्यंत कमी राहिल्याने नीरा नदीकाठच्या गावांमध्ये पाणीटंचाईची तीव्र समस्या निर्माण झाली आहे. नदीवरील सर्व बंधारे कोरडे पडले असून, परिसरातील विहिरींची पाणीपातळी कमालीची खालावली आहे. अनेक बंधारे अगदी तळाला गेले आहेत. बोअरवेलमधील पाणी साठाही अपुरा पडत असल्याने शेतीच्या सिंचनासह पिण्याचे पाणी आणि जनावरांच्या पाण्याचा प्रश्न अत्यंत गंभीर बनला आहे..तालुक्यातील तिरवंडी, खोरोची, आनंदनगर, सराटी, अकलाई, लुमेवाडी, ओझरे आणि गणेशगाव आदी ठिकाणी नीरा नदीवर बंधारे आहेत. जुलै-ऑगस्ट महिन्यात नीरा खोऱ्यातील धरणे भरल्याने नदीपात्रात पाणी सोडण्यात आले होते. त्यामुळे नीरा नदी प्रवाहित होऊन नदीकाठच्या गावांना मोठा दिलासा मिळाला होता. .Fruit Crop Insurance Inquiry: फळ पीकविम्यात नियमबाह्य सहभाग घेतल्यास कारवाई; ३१ पर्यंत मुदत, करारनाम्यांची चौकशी.मात्र, नदी वाहत असताना नियमानुसार १५ ऑक्टोबरपूर्वी बंधाऱ्यांचे दरवाजे उघडे ठेवावे लागत असल्याने बहुतेक पाणी वाहून गेले. १५ ऑक्टोबरनंतर पावसानेही साथ न दिल्याने नदी पुन्हा कोरडी पडली आहे. पावसाची शक्यता आता मावळल्याने आगामी ८ ते ९ महिने तीव्र पाणीटंचाईचा सामना कसा करायचा, या चिंतेने शेतकरी आणि नदीकाठच्या नागरिकांना ग्रासले आहे. .Ridge Planter: एकाच वेळी सरी, पेरणी आणि खत देणारे सरी वरंबा प्लांटर कसे काम करते?.अनेक गावांतील विहिरी पूर्णपणे आटल्या असून बोअरवेलमधून अवघे २ ते ३ हांडे पाणी मिळत आहे. शेती पिकांबरोबरच दैनंदिन वापर आणि जनावरांच्या पिण्याच्या पाण्यासाठी भटकंती करावी लागत आहे..‘‘नदीकाठच्या गावातील विहिरी आटल्या आहेत. काही गावांतील बोअरवेलमधून अवघे दोन-तीन हांडे पाणी मिळत आहे. जनावरांच्या चाऱ्याचीही टंचाई निर्माण झाली असून विकत चारा आणावा लागत आहे. प्रशासनाने कॅनॉलद्वारे पाणी सोडून नदीवरील बंधारे तातडीने भरावेत.- माऊली मकर (शेतकरी, उंबरे दहिगाव).ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
