Ahilyanagar News: शेवगाव तालुक्यातील शहरटाकळी, दहिगावने परिसरातील गावांमध्ये कांदा उत्पादक शेतकऱ्यांची महागडी औषध फवारणी करून कांदा रोपे वाचवण्यासाठी धडपड सुरू आहे. यंदा परतीच्या पावसामुळे रोपे खराब होण्याच्या प्रमाणात वाढ झाली आहे. बुरशीजन्य रोगांमुळे, तसेच मर वाढल्याने शेतकरी अडचणीत आला आहे..अहिल्यानगर जिल्ह्यात शेवगाव तालुक्यासह सर्वच तालुक्यात मोठ्या प्रमाणात अतिवृष्टी झाली. अनेक भागात विशेषतः काळी जमीन असलेल्या ठिकाणी अजलेल्या जमिनीतील ओलावा बऱ्यापैकी टिकून आहे. जिल्ह्यातील शेवगाव, नेवासा, पारनेर, अहिल्यानगर, जामखेड, कर्जत श्रीगोंदासह सर्वच भागात खरीप, लेट खरिपासह रब्बी, उन्हाळी कांद्याचे पीक घेतले जाते. कांदा रोपांवर मोठ्या प्रमाणात रोग पडला आहे..Onion Cultivation : कांदा रोपे विक्रीला कमी प्रतिसाद.शेवगाव तालुक्यातील सर्वच भागांत, विशेषतः दहिगावने, भावीनिमगाव, मठाचवाडी, रांजणी, शहरटाकळी परिसरातील गावात मोठ्या प्रमाणात कांदा रोप टाकले जाते. सहा ते आठ महिन्यांपेक्षा जास्त दिवस गुणवत्तेच्या जोरावर कांदा चाळीत साठवणूक केला जातो. .Onion Seedling Demand: कांदा रोपे विक्रीला खानदेशात प्रतिसाद.या कांद्याची लागवड करण्याआधी शेतकरी ऑक्टोबर महिन्यात कांदा बी पेरून किंवा हाताने टाकून कांदा रोप तयार करतात. शेतात हिरवीगार डौलदार दिसणारी कांदा रोपे ऊन पडल्यावर पिवळी पडू लागली आहेत..मर रोग आणि पिवळी पडणाऱ्या बुरशीजन्य रोगांनी ही कांदा रोपे मोठ्याप्रमाणात शेतातच वाया जाण्याची शक्यता वाढली असल्यामुळे शेतकरी थोडाफार तरी कांदा रोप लागवडीसाठी वापरता येईल म्हणून औषध फवारणी करत आहेत..कांदा रोपे पिवळी पडू लागली असून त्यांना गळे पडून मरीचे प्रमाण वाढले आहे. महागडी औषधे फवारणी करून कांदा रोपे वाचवण्यासाठी प्रयत्न करत आहे. मात्र,कांदा रोपे निम्म्यापेक्षा जास्त वाया जाण्याची शक्यता वाढली आहे. कित्येक शेतकऱ्यांना कांदा रोपे कमी पडत असून,कांदा रोप शोधावे लागत आहे.सविता पानकर, शेतकरी, शहरटाकळी ता. शेवगाव.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
