Nashik News: किंमत स्थिरीकरण निधी योजनेअंतर्गत ‘नाफेड’ व ‘एनसीसीएफ’ या दोन नोडल एजन्सीने सहकारी संस्था व शेतकरी उत्पादक कंपन्यांच्या माध्यमातून प्रामुख्याने नाशिक, अहिल्यानगर, पुणे व छत्रपती संभाजीनगर या जिल्ह्यांमध्ये ३ लाख टन कांद्याची खरेदी केली. दोन महिने उलटूनही कांदा विक्री केलेल्या शेतकऱ्यांना कष्टाचे पैसे मिळालेले नाहीत. परिणामी, ऐन सणासुदीच्या काळात शेतकऱ्यांना खरेदीदारांचे उंबरे झिजवावे लागत आहेत..बफर स्टॉकसाठी खरेदी करण्यात आलेला कांदा सध्या खरेदीदार संस्थांच्या ताब्यात आहे. खरेदीवेळी ७२ तासांत पैसे मिळतील असे सांगण्यात आले. मात्र आता दोन महिने उलटूनही पैसे खात्यावर आले नाहीत. यामागे कांदा खरेदी व प्रत्यक्ष उपलब्ध साठ्याचा ताळमेळ लागत नसल्याने हे पैसे ग्राहक व्यवहार विभाग अदा करत नसल्याचे सांगण्यात येत आहे..Onion Payment Delay: ‘एनसीसीएफ,’ ‘नाफेड’कडून मिळेनात कांद्याचे पैसे.खरेदी प्रक्रियेत काही अधिकारी व खरेदीदारांकडून गैरव्यवहार केला गेला. मात्र यात कांदा उत्पादन घेणारा शेतकरी नाहक भरडला जात असून तो आर्थिक विवंचनेत आहे. या प्रकरणाकडे राज्य व केंद्र सरकार गांभीर्याने पाहणार का, हे पाहणे आता अपेक्षित आहे..Onion Storage Subsidy Scheme: शेतकऱ्यांना कांदा चाळ उभारणीसाठी मिळणार ५० टक्क्यांपर्यंत अनुदान.गैरव्यवहारामुळे शेतकऱ्यांचे पैसे थकले?केंद्राच्या योजनेच्या माध्यमातून पोर्टलवर दाखविण्यात आलेली कांदा खरेदी व प्रत्यक्ष कांद्याचा साठा यात तफावत असल्याने ग्राहक व्यवहार विभाग व भारतीय अन्न महामंडळाच्या अधिकाऱ्यांच्या पथकाने नाशिकमध्ये धाडी टाकल्या. आता पुन्हा कांदा खरेदीपश्चात साठ्याची पाहणी खातरजमा करण्यासाठी ‘नाफेड’ व ‘एनसीसीएफ’ या दोन्ही संस्थांचे दक्षता पथक दिल्लीतून पुन्हा नाशिकमध्ये दाखल झाले आहे. मात्र पैसे मिळत नसल्याने अधिकारी व खरेदीदारांनी केलेल्या गैरव्यवहारांचा फटका शेतकऱ्यांना सोसावा लागत आहे. त्यामुळे आता खरेदीदार संस्था व विक्री केलेल्या शेतकऱ्यांमध्ये वादाचे प्रसंग देखील घडत आहे..बाजार समितीमध्ये कांदा विकला असता तर २४ तासांच्या आत पैसे मिळाले असते. उसनवारी, पदरमोड करून कांदा लागवड केली. बियाणे, औषधे, मजुरी यांचे पैसे रोखीने दिले. कांदा विकून दोन महिने झाले तरी पैसे मिळेला नाहीत. मुलांच्या शाळेची फी, कौटुंबिक खर्च, दवाखाना व पुढील शेतीकामांसाठी पैसे उसने मागण्याची वेळी आली आहे. ग्राहकांसाठी कांदा बाजारात आणून पुन्हा शेतकऱ्यांची कोंडी करण्याचा डाव आखला जात आहे.गणेश शेवाळे, कांदा विक्री करणारे शेतकरी, देवळा.कांदा विक्री केलेले शेतकरी दररोज सकाळी घरी चकरा मारतात. पैसे द्या, नाहीतर आमचे कांदे परत द्या, अशी मागणी करत आहेत. मात्र पोर्टलवर कांद्याची नोंद असल्याने आम्ही कांदा परत देऊ शकत नाही आणि पैसेही देऊ शकत नाही. त्यामुळे वादाचे प्रसंग आणि बदनामी वाट्याला येत आहे.खरेदीदार संस्थेचा संचालक.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
