Yavatmal News: शेतकऱ्यांनी वैयक्तिक तसेच सामूहिक स्वरूपात गट किंवा शेतकरी उत्पादक कंपनी स्थापन करून शेतीमालावर प्रक्रिया करावी आणि त्याचे प्रभावी मार्केटिंग करावे. यामुळे शेतकऱ्यांच्या उत्पन्नात निश्चितच वाढ होईल, असे प्रतिपादन जिल्हा अधीक्षक कृषी अधिकारी संतोष डाबरे यांनी केले..दैनिक ॲग्रोवन आणि एस्कॉर्ट कुबोटा प्रायव्हेट लिमिटेड यांच्या संयुक्त सहकार्याने ‘रब्बी पीक व्यवस्थापन व यांत्रिकीकरण’ या विषयावर मंगळवारी (ता. २३) तुषार ट्रॅक्टर अँड इक्विपमेंट्स, (लोहारा एमआयडीसी, यवतमाळ) येथे ॲग्रोवन संवाद कार्यक्रमाचे आयोजन करण्यात आले होते. या कार्यक्रमास कृषी विज्ञान केंद्राचे वरिष्ठ शास्त्रज्ञ डॉ. दीपक कच्छवे, विषयतज्ज्ञ राहुल चव्हाण, एस्कॉर्ट कुबोटाचे प्रकाश वाघाये व महिपाल शेंडे यांची प्रमुख उपस्थिती होती. शेतकऱ्यांनी एकत्र येऊन बियाणे, खते व कृषी रसायनांची सामूहिक खरेदी करावी, जेणेकरून ती कमी दरात उपलब्ध होतील, असा सल्लाही डाबरे यांनी दिला..Farmer Producer Companies: शेतकरी कंपन्याच घडवतील क्रांती.डॉ. दीपक कच्छवे यांनी रब्बी हंगामातील गहू, चना, तूर आदी पिकांमध्ये पाण्याचे योग्य व्यवस्थापन, खतांचा संतुलित वापर तसेच पीक व्यवस्थापनाबाबत सखोल मार्गदर्शन केले..विषयतज्ज्ञ राहुल चव्हाण यांनी शेतीतील यांत्रिकीकरणाची गरज अधोरेखित करताना शेतकऱ्यांनी काळानुरूप बदल स्वीकारणे आवश्यक असल्याचे सांगितले. आधुनिक तंत्रज्ञानाचा वापर केल्यास उत्पादन खर्च कमी होऊन उत्पन्न वाढू शकते, असे त्यांनी स्पष्ट केले..Farmers Producer Company Issue: शेतकरी उत्पादक कंपन्यांच्या समस्या सोडविणार : कृषिमंत्री कोकाटे.एस्कॉर्ट कुबोटाचे अविनाश नाटकर, प्रकाश वाघाये व महिपाल शेंडे यांनी शेती यांत्रिकीकरणात ट्रॅक्टरचे महत्त्व सांगत ट्रॅक्टरसाठी उपलब्ध असलेल्या विविध शासकीय योजनांची माहिती शेतकऱ्यांना दिली.कार्यक्रमाचे सूत्रसंचालन आर्णी तालुका तंत्रज्ञान व्यवस्थापक संजय भोयर यांनी केले. प्रास्ताविक तुषार ट्रॅक्टरचे संचालक तुषार बोकीलवार यांनी केले, तर आभार ॲग्रोवन वितरण प्रतिनिधी धम्मशील शेंडे यांनी मानले..कार्यक्रमाच्या यशस्वीतेसाठी यवतमाळ सहायक तालुका तंत्रज्ञान व्यवस्थापक सचिन पाईकराव, हेमंत आव्हाड, रश्मी बोकीलवार, आकांक्षा काळे, विद्याधर वाकडकर, सुजित पवार आदींनी विशेष परिश्रम घेतले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
