Rural Electricity Maintenance: चिकुर्डे परिसरातील पेटकर मळा भागात शेतीपंपांना वीजपुरवठा करणारा डीपी बंद पडल्याने शेतकऱ्यांना मोठ्या अडचणींचा सामना करावा लागला. तब्बल पाच दिवस वीजपुरवठा खंडित राहिल्यानंतरही महावितरणकडून दुरुस्ती न झाल्याने अखेर शेतकऱ्यांनी वर्गणी गोळा करून डीपी दुरुस्त केला..डीपी बंद पडल्यामुळे भाजीपाला, ऊस आणि अन्य पिकांच्या सिंचनावर परिणाम झाला. ऐन पीक वाढीच्या टप्प्यात पाणी न मिळाल्याने अनेक पिके उन्हाच्या झळांमुळे करपण्याच्या स्थितीत पोहोचली. त्यामुळे शेतकऱ्यांचे आर्थिक नुकसान झाल्याची भावना व्यक्त करण्यात आली..Transformer Repair : रोहित्रांच्या दुरुस्तीसाठी ऑइलचा तुटवडा.वीजपुरवठा पूर्ववत करण्यासाठी शेतकरी वारंवार महावितरण कार्यालयात पाठपुरावा करत होते. मात्र, डीपी ‘फॉल्टी’ असल्याचे कारण देत अधिकाऱ्यांकडून केवळ टोलवाटोलवी करण्यात आल्याचा आरोप शेतकऱ्यांनी केला..Agriculture Pump Cable Theft: झोडगा धरणावरील कृषी पंपांच्या केबल चोरीला.माजी सरपंच कृष्णात पवार यांनी सांगितले, की डीपी बंद असतानाही महावितरणकडून नवीन डीपीची मागणी वरिष्ठ कार्यालयाकडे करण्यात आली नव्हती. तक्रारी करूनही प्रशासनाने दखल घेतली नसल्याने शेतकऱ्यांचे नुकसान वाढले..अखेर परिसरातील शेतकरी एकत्र आले आणि वर्गणी गोळा करून नादुरुस्त डीपी दुरुस्त करून घेतला. त्यानंतर वीजपुरवठा सुरळीत झाला..कृष्णात पवार, मच्छिंद्र बोरगावकर, गणेश पाटील, अमीर गवंडी, तानाजी बंडगर, सर्जेराव तोडकर, रामचंद्र गुरव, प्रकाश पाटील आणि बुद्रुद्दीन गवंडी यांच्यासह अनेक शेतकरी व ग्रामस्थांनी महावितरणच्या कारभाराविरोधात तीव्र नाराजी व्यक्त केली. शेतकऱ्यांच्या प्रश्नांवर तत्परतेने निर्णय घेणारा सक्षम अधिकारी नियुक्त करावा, अशी मागणी त्यांनी केली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
