Jaysingpur Sugarcane Price Meeting: यंदा तुटणाऱ्या उसाला प्रतिटन ३८५० रुपये तर साखरेच्या प्रति किलो ४५ रुपयांहून अधिक वाढणाऱ्या दरानुसार जादाची रक्कम हंगाम संपल्यानंतर देण्याबाबतचा तोडगा शिरोळ, हातकणंगले तालुक्यांतील साखर कारखानदारांनी पुढे आणला. मात्र शेतकरी संघटनांनी याला विरोध दर्शवत प्रतिटन पाच हजार रुपयांच्या दरावर ठाम राहण्याची भूमिका घेतल्याने जयसिंगपूर कृषी उत्पन्न बाजार समितीमध्ये रविवारी (ता. १) रात्री उशिरा झालेली संयुक्त बैठक निष्फळ ठरली. .कोल्हापूरमध्ये झालेल्या संयुक्त बैठकीत ३८०० रुपयांवर कारखानदारांनी चर्चेला सुरुवात केली आहे. यालाही शेतकरी संघटनानी विरोध करत आंदोलनाची भूमिका घेतली आहे. ऊसदराची कोंडी फोडण्यासाठी जयसिंगपूर कृषी उत्पन्न बाजार समितीत साखर कारखानदार आणि शेतकरी संघटनांच्या पदाधिकाऱ्यांची बैठक झाली..Sugarcane Price : ऊस गाळप जोमात, पण दराचा पत्ता नाही; ऊस दराचा तिढा कधी सुटणार?.दत्त साखर कारखान्याचे गणपतराव पाटील, कार्यकारी संचालक देसाई, शरद साखर कारखान्याचे अध्यक्ष, आमदार राजेंद्र पाटील-यड्रावकर, आदित्य पाटील-यड्रावकर, गुरुदत्त शुगर्सचे एक्झिक्युटिव्ह डायरेक्टर राहुल घाटगे, जवाहर साखर कारखान्याकडून माजी आमदार प्रकाश आवाडे, आमदार राहुल आवाडे, पंचगंगेचे कार्यकारी संचालक सावंत, शेती अधिकारी सी. एस. पाटील उपस्थित होते..Sugarcane Crop Management: दुष्काळी परिस्थितीत ऊस पीक व्यवस्थापन.आंदोलकांच्या वतीने स्वाभिमानी शेतकरी संघटनेचे अध्यक्ष राजू शेट्टी, सचिन शिंदे, स्वस्तिक पाटील, विशाल चौगुले यांच्यासह ''आंदोलन अंकुश''चे प्रमुख धनाजी चुडमुंगे, राकेश जगदाळे, नागेश काळे, उदय भोगले, संभाजी शिंदे, भूषण गंगावणे उपस्थित होते..बैठकीत कारखाना प्रतिनिधींनी भूमिका मांडली. या वर्षी दुष्काळजन्य परिस्थिती, उसाची टंचाई या पार्श्वभूमीवर लवकर कारखाने सुरू व्हावेत यासाठी सहकार्याची अपेक्षा व्यक्त केली..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
