Nashik News : निवडणुकांपूर्वी मुख्यमंत्री देवेंद्र फडणवीस यांनी प्रचार सभांमधून शेतकऱ्यांचे मत मिळवण्यासाठी शेतकरी कर्जमाफीचे आश्वासन दिले होते. मात्र कर्जमाफी झाली नाही.त्यामुळे जोपर्यंत शेतकरी कर्जमुक्त होत नाही..तोपर्यंत ‘हर घर काला झेंडा हर खेत काला झेंडा’ हे जनआंदोलन सुरूच राहणार, असल्याची माहिती समितीचे प्रमुख व शेतकरी संघटनेचे नेते भगवान बोराडे यांनी दिली..निवडणुकांपूर्वी शेतकऱ्यांची संपूर्ण कर्जमुक्ती करून शेतकऱ्यांचा सातबारा कोरा करू, अशी घोषणा करणारे सत्ताधाऱ्यांना विस्मरण झाले आहे.म्हणून सरकारला घोषणाचे स्मरण व्हावे, यासाठी जिल्हा बँकेच्या आणि सरकारच्या विरोधात शेतकरी शेतात आणि घरावर काळे झेंडे लावून निषेध नोंदवण्यात येत आहे..Farmer Loan Waiver: लोकसभेत केंद्रीय कृषिमंत्र्यांनी दिली थकीत कर्जाची माहिती.निफाड तालुक्यात या जनआंदोलनाची सुरुवात झाल्यानंतर दिंडोरी तालुक्यातील शेतकरी देखील यामध्ये सहभागी होत आहे. जिल्हा बँकेच्या जमिनी जप्तीच्या आणि लिलावाच्या विरोधात १ जून २०२३ पासून जिल्हाधिकारी कार्यालय नाशिक येथे शेतकरी कर्जमुक्ती धरणे आंदोलन सुरू आहे..जिल्हा बँकेने जिल्ह्यातील ५६ हजार शेतकऱ्यांच्या जमिनी बेकायदेशीर जप्त करून लिलाव करीत असल्याचा आंदोलनाचा आरोप आहे. या विरोधात शेतकरी स्वयंस्फूर्तीने घरावर आणि शेतात काळे झेंडे लावून सक्तीच्या वसुलीचा निषेध करीत आहेत..Farmer Loan Waiver: कर्जमाफीचा शब्द पाळू; उपमुख्यमंत्री अजित पवार यांच शेतकऱ्यांना आश्वासन.सोमवार (ता. २२) सप्टेंबर रोजी पिंपळगाव धूम आणि आणि वणी खुर्द येथील शेतकऱ्यांनी घरावर काळे झेंडे लावून सरकारचा निषेध नोंदवला. या कार्यक्रमासाठी शेतकरी संघटना समन्वय समितीचे अध्यक्ष भगवान बोराडे व समिती सदस्य मोतीनाना पाटील यांनी शेतकऱ्यांना मार्गदर्शन केले..या निषेध जनआंदोलनात कर्जदार शेतकरी विश्राम कामाले, माधवराव घीवंदे, पोपटराव घिवंडे, रंगनाथ कामाले, प्रकाश कामाले, बाळासाहेब धात्रक, चंद्रकांत कामाले, राजू बेजेकर, भाऊसाहेब घिवंडे, राजू ढगे, गणपत चौधरी, पुंडलिक ढगे, शांताराम ढगे,निवृत्ती चौधरी, उत्तम ढगे, हरीश ढगे, भास्कर चौधरी,चिंतामण गावित आदी उपस्थित होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
