Farmer Relief Maharashtra: राज्यातील तीव्र दुष्काळ परिस्थितीचे मंत्र्यांना भान राहिलेले नाही. तसेच नियमित कर्जदाराना २ लाखांची मदत देण्याच्या मागणीची आठवण करून देण्यासाठी किसान सभेने आंदोलनाची हाक दिली आहे. २३ सप्टेंबरला मंत्र्यांना काजू व बदाम पाठवून राज्यभर आंदोलन करणार असल्याची घोषणा किसान सभेचे राज्य सचिव डॉ. अजित नवले यांनी केली आहे..'एल निनो'च्या प्रभावाने संपूर्ण महाराष्ट्रभर दुष्काळाचे सावट पसरले आहे. विदर्भ, मराठवाडा आणि महाराष्ट्रातील सर्व भागांमध्ये सोयाबीन, कापसासह सर्व खरिपाची पिके उद्ध्वस्त झाली आहेत. या पार्श्वभूमीवर सरकार दुष्काळ जाहीर करेल. मात्र, पुन्हा एकदा एनडीआरएफचे निकष आणि तुटपूंजी म्हणजे केवळ खते, बियाणे यांचा खर्च भागविणारी मदत सरकार करणार असेल आणि प्रत्यक्ष शेतकऱ्याचे नुकसान झाले; त्याबाबत कोणतीही भरपाई शेतकऱ्यांना मिळणार नसेल तर यापेक्षा दुर्दैवी बाब कोणती असणार नाही, असे नवले यांनी म्हटले आहे..Chimur Farmers Protest : शेतकऱ्यांच्या मागण्यांसाठी चिमूरमध्ये आक्रोश मोर्चा.नियमित कर्जदार शेतकऱ्यांच्या मनात प्रचंड असंतोष धुमसत आहे. आम्ही नियमितपणे कर्ज परतफेड केली म्हणून पाप केले का? आमची प्रत्येकवेळी ५० हजारांवर बोळवणूक का करता? अशी भावना त्यांच्यामध्ये आहे. त्यामुळे त्यांना किमान २ लाखांची मदत सरकारने दिली पाहिजे, या मागणीचा त्यांनी पुनरुच्चार केला..Farmers Protest : पीक पंचनामा मुद्द्यावर सटाण्यात तहसीलदारांना घेराव.त्याचबरोबरच अटी- शर्तीमुळे जे शेतकरी वंचित राहिले; त्यांनासुद्धा न्याय दिला पाहिजे. या मागण्या सोडवायच्या मागे राहिल्या. पण मंत्री या मागण्यांसाठी बैठकांना वेळ देण्याऐवजी आढावा बैठका घेत आहेत आणि त्याच्यामध्ये काजू आणि बदाम खात आहेत. त्याच्यामुळे जखमेवर मीठ चोळल्याची भावना संपूर्ण महाराष्ट्रभर शेतकऱ्यांच्या पोरांमध्ये आहे. त्या भावनेचा परिणाम म्हणून २३ तारखेला किसान सभेच्या वतीने संपूर्ण महाराष्ट्रभर तीव्र आंदोलनाची हाक दिली आहे. काजू आणि बदाम आम्ही राज्य सरकारला २३ तारखेला पाठवणार आहोत. तुम्ही काजू आणि बदाम खा. आम्ही मृत्यूच्या दारात उभे आहोत. या सर्व प्रश्नांकडे दुर्लक्ष करणार आहात का? असा जाब किसान सभा आंदोलनाच्या माध्यमातून विचारणार आहे. या आंदोलनात शेतकऱ्यांनी मोठ्या संख्येने सहभागी व्हावे, असे आवाहन किसान सभेने केले आहे..'सरकारचे शेतकऱ्यांच्या प्रश्नांकडे दुर्लक्ष'राज्य सरकारने अधिक अंत पाहू नये. मागील आंदोलनात मान्य केल्याप्रमाणे नियमित कर्जदार व दुष्काळ प्रश्नावर मुख्यमंत्र्यांसोबत किसान सभेच्या शिष्टमंडळाची बैठक आयोजित होणे अपेक्षित होते. मात्र महसूलमंत्री चंद्रकांत बावनकुळे यांनी आश्वासन देऊनही ही बैठक अद्याप झालेली नाही. त्यांनी नियमित कर्जदार आणि पीक विम्याच्या ट्रिगर बद्दलचे आश्वासन पाळलेले नाही. २३ तारखेला या आश्वासनांची आठवण आम्ही करुन देऊ. तुम्हाला काजू, बदाम खाण्यासाठी पाठवून ही आठवण करुन देत आहोत. त्याबाबत तुम्ही निर्णय केला नाही. तसेच याकडे दुर्लक्ष केले, असा आरोप करत किसान सभेने यापेक्षा तीव्र आंदोलनाचा इशारा दिला आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
