Amaravati News : अंजनगावसूर्जी तालुक्यातील दहिगाव रेचा ते पळसखेड मार्गावर असलेल्या नदी पात्रातील रस्ता खोल आणि अरुंद झाला आहे. त्याच्या परिणामी नाल्याच्या दुसऱ्या काठावर शेती असलेल्या शेतकऱ्यांना त्या भागात जात पीक व्यवस्थापन करणे अडचणीचे झाले आहे. त्यामुळे या रस्त्याची दुरुस्ती करावी. या मागणीसाठी शेतकऱ्यांनी बेमुदत उपोषणाचा मार्ग पत्करला आहे..अंजनगावसूर्जी तालुक्यात संत्रा, केळी आणि कपाशी या सारखी पिके घेतली जातात. दहिगाव रेचा ते पळसखेड या रस्त्यावर असलेल्या कडू नाल्याच्या पाण्याचा प्रवाह प्रचंड वेगाने वाहत असून रस्ता खोल आणि अरुंद झाला आहे. त्याच्या परिणामी नदीच्या दुसऱ्या काठावर शेती असलेल्या शेतात जाणे अशक्य झाले आहे. .Farm Road : धाराशिवमध्ये ७२ किलोमीटरच्या ३७ रस्त्यांच्या सीमांकनाला वेग.परिणामी पीक व्यवस्थापनाची कामे प्रभावित झाली असून या वाहून गेलेल्या रस्त्याची कायमस्वरूपी दुरुस्ती करावी, अशी मागणी आहे. या शेतशिवारातील रस्त्यावर दहिगावनजीक कडू नाला आहे. त्या ठिकाणी पाटबंधारे विभागाने नाल्याचे खोलीकरण करीत असताना ज्या भागातून पूर्वीची वहिवाट होती, त्या परिसरात नाल्याची रुंदी कमी करीत रस्त्याच्या समोरच खोलीकरण केले. .Panand Road Issue : पाणंद रस्त्याअभावी झाली शेतीमाल वाहतूक जोखमीची .यावर्षी झालेल्या अतिवृष्टीच्या काळात वहिवाटीच्या जागी खड्डा पडल्याने पाण्याचा प्रवाह वाढत गेल्या एक महिन्यापासून शेतीची कामे खोळंबली आहेत. प्रशासनाला या बाबत वारंवार निवेदन देण्यात आली. परंतु त्याची कोणतीच दखल घेण्यात आली नाही, असा शेतकऱ्यांचा आरोप आहे. त्यामुळे त्रस्त शेतकऱ्यांनी याविरोधात उपोषणाचा मार्ग पत्करला आहे. .या आंदोलनाची दखल घेत जिल्हा परिषद बांधकाम विभागाचे उपविभागीय अधिकारी एम. एच. पुनसे, कनिष्ठ अभियंता तेजस तंबाखे, जलसंधारण विभागाचे उपविभागीय अधिकारी प्रज्ञानंद तायडे, जलसंधारण अधिकारी चंद्रशेखर गोळे, ऋषिकेश वाघमारे, राजू कोकाटे यांनी आंदोलनस्थळाला भेट देत शेतकऱ्यांशी संवाद साधला. परंतु नाल्याच्या पाण्याचा प्रवाह जास्त असल्याने कोणतीही पर्यायी व्यवस्था करता येत नसल्याचे त्यांनी सांगितले. त्यामुळे या प्रश्नावर तोडगा निघू शकला नाही. या उपोषणात संजय पंजाबराव पारे, शेतकरी सहभागी झाले आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
