Wardha News: शेतकऱ्यांना दिवसा बारा तास वीज मिळण्याच्या मागणीसाठी व विजेच्या वेळेत बदल करण्याच्या मागणीसाठी क्रांतिकारी शेतकरी संघटना व युवा संघर्ष मोर्चाचे किरण ठाकरे यांचे नेतृत्वात शेकडो शेतकऱ्यांनी विद्युत वितरण कंपनी कार्यालय देवळी येथे धडक दिली..सध्या शेतात गहू, हरभरा व तिळाचे पीक शेतात आहे. या पिकांचे ओलित करण्याकरिता शेतकऱ्यांना विजेची आवश्यकता आहे. मात्र, वीज वितरण कंपनीच्या ढिसाळ नियोजनामुळे शेतकऱ्यांना सात तास सुद्धा वीज मिळत नाही. .Farmers Protest: बारा तास वीजपुरवठ्याच्या मागणीसाठी शेतकऱ्यांचे आंदोलन.जी वीज मिळते ती अगदी सकाळी चार वाजल्यापासून मिळते. त्यामुळे या कडाक्याचे थंडीच्या दिवसात शेतकऱ्यांना ओलित करणे कठीण झाले आहे. त्यामुळे वीज वितरण वेळेमध्ये सुद्धा बदल करण्यात यावा अशी मागणी किरण ठाकरे यांनी कार्यकारी अभियंता श्री. तेलरांधे यांच्याकडे निवेदनाद्वारे केली आहे..Farmer Protest: ‘नाफेड’च्या कार्यालयाबाहेर संतप्त शेतकऱ्यांचा दोन तास ‘ठिय्या’ .शेतकऱ्यांना येत्या आठ दिवसांत न्याय न मिळाल्यास वीज वितरण कंपनीच्या कार्यालयाबाहेर ठिय्या आंदोलन करणार असल्याचा इशारा सुद्धा किरण ठाकरे यांनी दिला आहे. यावेळी प्रवीण कात्रे, गौतम पोपटकर, समीर सारजे, संदीप दिघीकर, प्रवीण इंगळे, अमोल वाटमोडे, विनोद पवार, शुभम गावंडे, .लोभश जंगले, नारायण राऊत, नानाजी इंगोले, आशिष गावंडे, सुनील देशमुख, अमोल मानकर, आर्तेश खोकले, हरीश भालेराव, किसनाजी लोणकर, अक्षय कोठेकर, कार्तिक लांबट, अजय कदम, तुषार भोयर, प्रशांत केणे, शैलेश पुनसे, श्रीकांत काळे, अंकुश दाभेरे, प्रणीत हुस्नापुरे, दीपक कोठेकर, कमलाकर खराबे व इतर शेकडो शेतकरी उपस्थित होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
