Kolhapur News: महावितरण कंपनीने मार्च अखेर थकीत वीजबिलाचे कारण सांगत १० अश्वशक्तीवरील कृषीपंपांची वीज कनेक्शन तोडल्याने शेतकरी संतप्त झाले आहेत. ऐन उन्हाळ्यात वीजपुरवठा खंडित झाल्याने शेतपिके वाळू लागली आहेत. यामुळे स्वाभिमानी शेतकरी संघटनेच्या कार्यकर्त्यांनी सोमवारी (दि. ३० मार्च) जयसिंगपूर (जि. कोल्हापूर) महावितरण कार्यालयावर धडक देत कार्यकारी अभियंतांना याबाबत जाब विचारला. यावेळी शेतकऱ्यांच्या कृषिपंपाची वीज कनेक्शन पुन्हा सुरु करण्यासाठी निवेदन देण्यात आले. .गेल्या महिन्याभरापासून थकबाकी वसुलीच्या नावाखाली महावितरणने शेकडो शेतकऱ्यांच्या कृषिपंपांची वीज कनेक्शन तोडली. पण वारणा नदीवर शिरोळचे आमदार राजेंद्र पाटील- यड्रावकर यांच्या नावावर पाच कृषीपंपाचे वीज कनेक्शन आहेत. त्यांच्या वीज बिलाची जवळपास ३१ लाख ६६ हजार ११० रूपयांची थकबाकी असताना त्यांचे कनेक्शन का तोडले नाही?. केवळ सामान्य शेतकऱ्यांच्या कृषिपंपाचे वीज कनेक्शन का तोडले जात आहे? असा जाब अधिकाऱ्यांना विचारला. कोणाचे किती वीज बिले थकित आहेत? याचे पुरावेही यावेळी देण्यात आले. .Onion Farmer Protest: समितीच्या नाकाने ‘कांदे’ सोलण्याचा सरकारचा उपद्व्याप.यावेळी संतप्त झालेल्या शेतकऱ्यांनी लाखो रुपयांची थकबाकी असलेल्या आमदार यड्रावकर यांचे कृषिपंप सध्या सुरु असल्याचे व्हिडिओ अधिकाऱ्यांना दाखविले..Solar Pump Scheme Fraud: सौर कृषिपंप मिळवून देण्याच्या नावाखाली शेतकऱ्यांची फसवणूक.महावितरण कंपनीच्या कर्मचाऱ्यांनी दानोळी, कोथळी, उमळवाड आदी गावांसह वारणा आणि कृष्णा नदीकाठच्या शेतकऱ्यांच्यी १० अश्वशक्ती क्षमतेवरील सर्व कनेक्शन तोडून वीज पुरवठा खंडित केला असल्याचे निदर्शनास आले आहे. सध्या उन्हाची तीव्रता वाढल्याने ऊस पिकासह भाजीपाला आणि अन्य पिकांना पाण्याची गरज भासत आहे. वीज पुरवठा खंडित झाल्याने पिके वाळू लागली आहे. येथील अल्पभूधारक ८ ते १० शेतकरी एकत्रितपणे १० अश्वशक्ती क्षमतेच्या कृषिपंपाने दोन किलोमीटर पाईपलाईनद्वारे पाणी उपसा करतात. यामुळे या शेतकऱ्यांनाही मोफत वीजबिलाचा लाभ द्यावा, अशी मागणी 'स्वाभिमानी'कडून करण्यात आली. .स्वाभिमानी शेतकरी संघटनेच्या पदाधिकाऱ्यांनी दिलेल्या माहितीनुसार, याची दखल घेत जयसिंगपूर विभागातील अधिकाऱ्यांनी संबंधित शेतकऱ्यांच्या कृषिपंपांचे वीज कनेक्शन पुन्हा सुरु करण्याचे आदेश दिले आहेत. यावेळी स्वाभिमानी शेतकरी संघटनेचे जिल्हा उपाध्यक्ष राम शिंदे, महादेवराव धनवडे, धनगोंडा पाटील, शरद कांबळे, श्रीकांत पाटील, शितल बोरगांवे, अजित आलमाने, प्रकाश भोकरे, विजय चिवटे, गौतम इंगळे, संतोष उपाध्ये, राहुल पाटील यांच्यासह परिसरातील शेतकरी मोठ्या संख्येने उपस्थित होते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
